ياجماعة هذا كله عشان بلنتي ضاع ...ياسر راس حربة وحيد حاسبو ياسر لما تجيه فرص ويضيع ..ياسر ما جات له فرص اصلا ..راس الحربة يحتاج من يعطيه كور مو مثل العنقري والزوري ..بالامانة اي كرات جات لياسر اساسا في المباراة ..اترك الامتاع والكلام الفاضي ..انا اتكلم على مباراة الوحدة ..ياسر مختفي لانه ماجات له كرات اصلا .تبغو من ياسر هو اللي يصنع وهو اللي يسجل ..وينه نواف اللي المفروض يكون صانع لعب ..يعني المفروض يعطي كرات مقشرة لياسر..ماشفت احد يتكلم على نواف والمشكلة اني شايفه اكبر علة في الفريق ..والله اول ماشفته قلت الله يستر ..ياجماعة لاعب صانع لعب مايعرف يرفع كرات عرضية (ركنيات) يشوتها شوت على منطقة الجزاء ..الله يرحم ايام كماتشو ، ولا يعرف يلعب كرات طويلة خطيرة للمهاجمين (دايما طويلة وتطلع برا ) والمشكلة الاكبر انه ما يعرف يشوت (لاعب اسيا 2000 ما يعرف يشوت يا ناس!!! ..انا باتكلم على السنين الاخيرة مو ايام حصل على لقب لاعب اسيا )..

ولا عميد لاعبي العالم ..بالامانة هذه وقفة حارس القرن سايب الباب مكشوف ...الله يرحم ايامك يادعيع زمان كنت تطمن ..صرت تخوف

طبعا ما راح اتكلم على المفرج الله يسامحه لانكم كفيتو ووفيتو..[س المشكلة انه اكيد راح يكون بجوار المرشدي بعد رحيل تفاريس ..يعني ما في مفر

من قبل صافرة البداية وفريق الوحدة بيدافع وياسر لحاله في الهجوم ..ومافي اي كرات بيوصلها له لاعبي الوسط والاظهرة ..حتى الكورة الوحيدة اللي جاته جاب منها البلنتي بمجهوده الفردي ..وكمان كانت كرة طويلة من تفاريس

وفي المقابل في الجهة الثانية اسماعيل مطر يسرح ويمرح ومافي اي مراقبة ..لا ومعاه مهاجم ثاني ..هذا وفريق ضيف

ماسالتو نفسكم ليه ياسر خطير مع المنتخب اكثر من الهلال (هذا ما ينقص من خطورة ياسر مع الهلال)..فيه مهاجم معاه خطير وفيه ممولين كور عرضية ..اتذكرو وشوفو كرات ياسر الخطيرة اللي بتجي من عرضيات البحري(انا ما اقول البحري ممتاز بس على الاقل رفع رفعتين جات منها هدفين ) وين رفعات العنقري والغامدي والزوري اللي كلها قصيرة ومافيها خطورة ..احسب كم كرة عرضية لعبوها لاعبي الهلال بدون فادية ..
يا شباب انتو شايفين ياسر وعينكم على ياسر وكل شي ياسر لانه صاحب الملايين ولانه لحاله في الهجوم ولانه هوا الافضل ولازم يسجل . هذا ادمي مو جني ..

ياسر صغير بالنسبة لسامي وله سنتين مع الهلال ..تقارنوه بسامي وانجازاته الين ما اعتزل
ياناس فكرو شوية ..انتو بتتكلمو عن سامي ومشواره الطويل مع الهلال ..ياسر توه ياجماعة الخير ..وبعدين اللي يتكلم عن فدائية سامي ..ما اعتقد ان ياسر ضحى بملايين البلوي عشان الهلال وفي الاخير ما يضحي ..ياسر من ايام القادسية وهو يبغا الهلال وقالها صريحة ..وانا سمعتها من الياقوت بنفسي..

واللي تقول انه سامي كان يصنع لعب ..اظن انك شفت هدف المنتخب في اليابان اللي صلحه ياسر ..واعتقد انك بتلاحظ ياسر في كل ركنية (ضد) الهلال او المنتخب ..يعني ياسر بيدافع ياسيدي الفاضل موبس مهاجم ويصنع الاهداف ....
وياريت تقارنو ياسر بالجمعان او سامي او ...او ... لما يقضي مدة كافية مع الهلال مثل ما قضي الجمعان وغيره ..بعدين احكمو عليه

ياجماعة والله عيب عليكم ..هذا ياسر يا جماعة ياسر ..يمكن اعذركم بسبب صدمة المباراة صرتو تطلعو العيوب بس وتنسوا الميزات

واتمنى تتقبلو رايي المتواضع (:

اااه يا ياسر ..ياليت جا البلنتي كنا سلمنا ولا كنا شفنا هالكلام اللي راح ينمسح مع اول هدف تجيبه ان شالله ..