بسم الله الرحمن الرحيم
السلام عليكم ورحمة الله وبركاته وبعد,

انشالله تكونو هديتو بعد الكارثه وخروج زعيمنا من البطوله الحلم((كنت احلم بأن يتقابل الهلال مع الميلان في اندية العالم بس الله يسامح اللي كان السبب ((الميلان فريقي بعد الهلال)) ))))))

//الهلال صار يخذل جماهيره بالمواقف الصعبه والحاسمه لا وين بـ أستاد الملك فهد بالرياض والجمهور اكثر من 75000 الف مباراة الوحد ومباراة الاتحاد ومباراة الشباب ومباراة الكويت الكويتي واخاف القائمة تطول........



بصراحه انا ماكان ودي اكتب بعد المباراة مباشره لان راح تكون ردة الفعل قويه فقلت خلني اهدي اللعب وانتظر
كذا يومين واهدي واكتب بكل امانه بعيد عن العاطفه.....

المهم راح نبدا من قبل المباراة حتى صافرة نهاية المأساه .....((لا تستعجلو))

قبل المباراة اتفرجت على قناة ابو ظبي الرياضيه وشفت كيف المقدم والمحلل متخوفين من الهلال والمساكين بس جالسين يتفرجو على الجمهور الهلالي (((احلى ما في المباراة الجمهور)) المهم بعد شوي وضعو تقرير عن
المفروض الهلال والوحده لـــــــــــــــــــــــكن التقرير كان عن الهلال والنصر وشوف المسخره من المشجع النصراوي
والله شي يقهر والله لو اقابله لا العن ابو جده واحد كذاب اقوا من مسيلمة الكذاب....

المهم وانا جالس اضحك قلت اليوم فايزين مادام التايب والشلهوب و ياسر والجمهور قلت اكيد بالخمسه وقليله بعد

لــــــــــــــــــــــــــكن بدة المباراه وشوف الله لا يوريكم كوره زي كذا ياخي غثونا باللعب

من عزيز للعنقري من العنقري لعزيز من عزيز للتمياط من التمياط للزوري من الزوري للخثران

ياخي الملعب مو بالعرض الملعب بالطول المهم (((طولو بالكم))

المهم ما فيه هجمات خطيره الا من كور ثابته ((( لا لا لا هذا مو الزعيم الله يذكر ايام ابو يعقوب بالخير كان انت والباب )))

المهم حلت علينا الكارثـــــــــــــــــــــــــــــه

الكوره عند الشحي لعبها لمين لــ اسماعيل مطر

اخونا بالله مخرج 17 اولا كاسر الاوفسايد ثانيا قالبها سباق 100 متر على باب الدعيع ياخي كان هجمت عليه من البدايه ولا صار اللي صار بس الخبل طول عمره خبل....

الا هنا انا ماراح اكمل المباراة لأنكم عارفين الباقي ......

بـــــــــــــــــس هناك عدة نقاط ارجو المعذره للي مو متفق معايه ........
.................................................................................................... ..................................................................
خلونا نكون صريحين.....
الى نجومنا الكبار (((العنقري + المفرج + التمياط + الخثران))

المفرج الله يرحم ابوك وتكفى ريحنا ونزل فانيلة الهلال وعط الشباب فرصه يلعبو يا خي ما مليت سب ولعن فيك
يا خي خل عندك احساس .....حتى اسماعيل مطر اليوم فضحك بالجرايد الاماراتيه...ضحكت علينا العالم.....

العنقري اعتقد انك حققت حلمك باللعب مع الهلال وهذا يكفي يا بابا ...ريحنا الله يريحك ولا رفعه صح ياخي رفعت ضغطنا لادفاع ولا هجوم والله انك مصيبه لا ويقول لاعب والله انه زي فرس النبي ...

التمياط حافظ على شعبيتك وياليت لو تلعب اخر ربع ساعه اكثر من 70 دقيقه ماسوية شي الا الفاول والتايب نزل وسجل هدف والله عيب وكبيره عليك يا تمياط انا والله احبك بس كل يوم اسمع واحد يسبك ....

الخثران هذا هو الطامه الكبرى انا ما ادري وين يلعب وفي اي مركز لا رفعه ولا شوته ولا اي شي
لا ورجنا في حركته بهالكعب اللي رجنافيه لا ومسوي فيها خبره...ريجنا...

**************************************************************************************************** *******************
الهلال صار يعتمد على لاعب واحدوالله مصيبه ............
يعني التايب اذا دخل الهلال ابدع واذا غاب الهلال اختفى الله واكبر الهلال اللي كان ما يهمه اي لاعب سوا غاب او حضر الحين تغير الله يعين كيف الهلال بعده....شكل راح يصير فيه فريق زي النصر ثاني الله يستر وهي شكلها كذا....


تفاريس راح ينتهي عقده بعد شهرين وبعدها يروح لفريقه الجديد كروزيرو البرازيلي الله يستر كيف بيكون دفاع الهلال
بعدك ...

برونو ارجو ان يأخذ هذا الاعب الفلرصه كامله......

الكلثم لا بد من اشراكه وخاصة في الوسط الايمن

الفريدي لا زم يلعب هذا هو موهبة الهلال في النص...

العبدالسلام لازم ياخذ فرصته والله احسن من العنقري....

المرشدي الاعب المظلوم الله يذكر بوسيرو بالخير.....

لازم الهلال يجيب مدافع اجنبي صلب بدل تفاريس اذا راح ....

اتمنى رؤية اسماعيل مطر بالهلال لاعب كبير وعن فريق باكمله والله فنان فنان فنان

**************************************************************************************************** **************************



اتمنى من اعضاء شرف الهلال الوقوف مع الزعيم ومساندة الامير محمد بن فيصل

وشكر خاص للامير راشد على كل ما يقوم به للهلال.......


وشكرا .......سامحوني