السلام عليكم ...

كيف حال الزعماء .. إن شاء الله بخير ..
بعد ماهدينا بعد الهزيمة .. خلونا نفكر بعقلانية وبهدوء وبعيد عن المجاملات ولمصلحة الزعيم ..
ابتكلم عن محمد بن فيصل .. هذا الرجل الذي رأس الهلال منذ ثلاث سنوات .. وحقق مع الهلال 6 بطولات ...
في السنة الأولى والثانية كان الرجل ماعليه خلاف ..
لكن منذ الموسم الماضي وهذا الموسم الرجال تشبع من رئاسة النادي وتغيرت أفكاره اللي بسببه ضاع الزعيم ...
* *أول المشكلات اللي سواها أنه كان قبل سنتين يملك لاعب وسط من أفضل اللعيبة .. لاعب من طراز الكبار ...
لاعب يشيل فريق ..لاعب ينهي مباراة .. اللي هو (مارسيلو كماتشو) ..
يتركه ويخليه يروح بكل بساطة ..ولا كأنه لاعب يفيد الفريق .. بحجة أنه طلب مبلغ مادي كبير (8 مليون ريال)...
ويوقع مع نواف بمبلغ (6مليون ريال)... لاتقولون لي 6 مليون لثلاث سنوات ... و8 مليون لسنة ...
نواف المفروض أوقع معه 2 مليون لثلاث سنوات ونعمة بعد ..لأن نواف الان مايفيدني ..
أنا عااارف أن نواف لاعب كبير ومحد يختلف عليه ... لكن الإصابات اللي جته خلته مايعطي مثل أول ...
المفترض أنه وقع مع كماتشو لمدة لاتقل عن 3 سنوات واشتري بطاقته بعد ..
تخيلوا الوسط عندنا كماتشو والتايب والشلهوب وقدامهم ياسر .. ناااار ياحبيبي نااار ...


* *أيضا مارسيلو تفاريس .. تفاريس لاعب كلنا عافرين كيف تأثيره في الدفاع ومغطي عيوب كثيرة ..
والمشكلة أنه لثلاث سنوات محمد بن فيصل يوقع معه كل سنة لمدة سنة واحدة .. وإعاااارة ... يعني مافكر أنه يشتري
بطاقته .. أويوقع معه على الاقل لمدة أربع أو خمس سنوات ...
والموسم هذا موقع معه 6 شهور وإعااارة بعد ...
ماشي في الغلط الرجال ..يبينا نلعب إذا راح تفاريس المفرج والهليل ...سلملي على الدفاع ...

* *وأيضا أنه كل فترة كان يهدد بالاستقالة وأنه بيترك الفريق ... وهذا كان أثره واضح على الفريق .. وعلى اللاعبين ...
والمشكلة أنه أعلن العام الماضي أنه بيترك الرئاسة .. ولن يعود لها .. ورجع بكل بسااااطة للرئاسة مرة أخرى ...
سواليف الدعوة ... نااادي الهلال صار لعبه ..والان مصرح أنه يتمنى أنه يكون رئيس طول عمره ...

* *أيضا المصيبة .. أنه وقع مع أربع شركات في سنة وحده .. الاتصالات موقع معها لمدة سنتين .. ومن الاتحاد السعودي لجميع الاندية .. ويروح يوقع مع موبايلي , صلة , هاتريك ..
أنا أدري أن عرض موبايلي ممتاز لكن أنت مرتبط بعقد مع الاتصالات ...

* * وعده أنه بيجيب لاعب عالمي ههههههه ...حلوووة لاعب عالمي ... واخرتها برونو ...
اتفق مع باسكال بـ 4 مليون دولار .. وماتمت الصفقة .. إذا كان هناك أساساً اتفاق مع باسكال ...
وبعده يحول على برونو ... بحجة أنه مافيه ميزانية .. طيب وين راحت الـ 4مليون دولار حقت باسكــال .. ولاسواليف الدعوة ...

* * رئيس الهلال تشبع من الرئاسة ...ولايمكن أنه يعطي أكثر .. ويكفي تصريحه لمجلة (الرجل) أنه أهلاوي ... وجاي للهلال علشان الشهرة ...ولابيقول الحوار مفبرك .. زي العادة إذا ماعجبه الحوار ..

* * ألا بسأل وين المهندس (طارق التويجري ) و الاستاد (عادل البطي ) ... ولا اللي يعملون بإخلاص يحاربون إلى أن
يطلبون الاستقالة ...

* * ياهلالييييين ....
إذا تبون الهلال يرجع مثل ماكان .. فليترك محمد بن فيصل رئاسة النادي ونقوله مشكور ويعطي المجال لغيره ...
وياليت يكون الرئيس .. بندر بن محمد أو سعود بن تركي أو عبدالله بن مساعد ..

**مقتطفااات**
ـــ ياسر القحطاني... قناااص الملاعب ..يفداك ألف بلنتي .. فأنت عملت كل ماعليك .. ولا تلتفت للجماهير المندسة .. واجعل من سااامي قدوة لك ...في التصدي لهم ..

ـــ خالد عزيز ... كلمات الشكر لاتكفي تقديرا لك .. لن أقول أنك ايسيان العرب .. أو ماكليللي العرب ..
ولكن سأقول أنهم من يقلدون لعبك .. إلى الامام يامبدع .. وننتظر عودتك من الايقاف ...

ـــ فهد المفرج ... ماقصرت قدمت اللي عندك للهلال طوال 11 سنة ... اعط المجال لغيرك ...

خــاتمة : كثيرين ممكن يتفقون أو يختلفون على ماقلت .. لكن تبقى وجهة نظر ..

نختــلف على كل شئ... لــكن نتفق على حــب الهــــلال ... تحياااااتي