علقت على الموضوع والآن اعلق على النقاشات بصراحه اعجبتني كثير من الردود المطروحه سواء من الكاتب مولع او ممن يختلف معه

لكن اتمنى الابتعاد عن النقد الحاد من بعض الاعضاء والهلال ما ينخاف عليه مدام وراه جمهور عاشق مثل هذا

كنت زعلان بسبب الهزيمه لكن الحين فرحت بسبب ردة فعل الجمهور صحيح انها حملت الكثير من العاطفه ولكنها في النهايه

تحسسك ان الهلال بأمان وتحسسك بمدى عشق الجمهور لهذا الزعيم وقهرهم على اللي صار يا ليت تكملون النقاش بدون

تشنج وانا اسمحولي مقدر اناقش اعرف نفسي بتشنج كككككككككك مسوي فيها بلطف الجو الله يصبرنا

والله اشياء كثيره كانت تلوح في الافق والاستعدادات لهذه الكأس الغاليه على قلوبنا لم تكن بالمأمول

والآن صارت الاشياء اللي تلوح في الافق قدام عيوننا نشوفها واقع بلا افق بلا بطيخ مافي زي الهزيمه والخروج من كأس اسيا

على ارضك وبين جماهيرك قمة المراره الا ليت ما في الافق يبقى في الافق ويا ليتني لم احلم بكأس العالم كنت اشوفه في الافق

الله لا يبارك فيه

وما يزيد المراراه انك تخرج من فريق اماراتي ضعيف ..وما يزيد ابو المراراه ان اسماعيل مطر سبب خروجنا

ومايزيد ابو المراراه وامها واللي خلفوها كلهم اننا من اول شايفين التخبطات لكن نكابر ونقول الهلال دائما يعشق

الطرق الصعبه ويا مدور الهين ترى الكايد احلى ونضحك على نفسنا واحنا عارفين البير وغطاها وانه مهما

استمر الهلال وزبطت معاه راح يجي يوم وتنكشف نقاط الضعف اللي يعرفونها غير الهلاليين اكثر من الهلاليين

ونتابع حتى اخر دقيقه وبعدين نتذكر الافق واه منك يا الأفق كأني اذكر الضجه اللي صارت قبل بداية الموسم واشوفها قدامي

والله قاعد اذكر التصاريح والصفقات وباساكال والظهير الايمن اللي تثبت خبر عشانه اكثر من مره وقلب الدفاع اللي

مدري من وعد فيه ومدري مين ومدري مين كلها اشوفها قدامي كأني عايش حلم وصحيت امحق حلم والله كابوس

قاعد اذكر برورنو واللي يوم جا بعض الاعضاء يقولون لنا عادي الاعب المغمور هو اللي ينجح ومدري ايش

قلنا يالله بينجح اللاعب المغمور ولا شارك واذكر نامي بعض الاعضاء كانوا يقولون والله هذا ضالة الهلال

ويمدحون فيه تقول ماردونا بيلعب واثر الرجال يبغاله برنامج لياقي من جديد له فتره ما لعب آه يا القهر وش اتذكر وش اخلي

مدري ليه عيوني ماهي راضيه تشوف اي سبب للهزيمه في مباراة اليوم ما تشوف الا الاستعدادات اللي كانت تصير قبل البطوله

ما اشوف الا كوزمين وانتظارنا الطويل لمدرب عالمي وباسكال ومعسكر تونس ونامي وبرونو

والظهير الايمن اللي بنوقع معه وقلب الدفاع ويا قلب لا تحزن ...الظاهر السبب اني كنت عاقد امل عليهم

عشان كذه احمل الاستعدادات المتواضعه تلك سبب الهزيمه والخروج خاصه ان الهزيمه على ارضك وبين جمهورك ومن فريق ضعيف

من جد كنت مأمل فيهم خير انا ووجهي كنت مأمل خير بكوزمين وبقية الاستعدادات

كنت اقول ان شا الله التجديد الخطير اللي سوته الاداره يكون بمحله ان شا الله نشوف تأثيرات هذه الصفقات والاضافات

على الفريق واااااه يا القهر ما تغير شي على حطة ايدك نفس سيناريو نهائي الدوري فريق ما قدم ولا جمله تستحق الاعجاب

اللهم عك كروي بمعنى الكلمه...

المعذره عن الخروج عن النص و اجمل مافي الموضوع انك منت مقهور لوحدك العالم كلها مقهوره فتحس نفسك مرتاح شوي

السؤال الذي يطرح نفسه الآن كجماهير هل سنجدد الثقه بالاداره والمدرب واللاعبين المذكورين ام اننا لن نرضى الا بقرارات جريئه

تصلح كل العبث الحاصل؟؟

انا رأيي المدرب يستحق تجديد الثقه فيه والاداره لها فرصه فترة التسجيل القادمه اما الاعبين المذكورين فبصراحه مستحيل اجدد

ثقتي فيهم بجد بجد مستحيل

وشكرا