نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ولد وايل · #10 25/09/2007, 03:11 AM

إقتباس

الرسالة الأصلية كتبت بواسطة صدى الامس


	تخيل .. الساعة 10 وانت في فراشك تبي تنام .. اول نقول الساعة 11 وانت في الفراش .. تخيل تطلع من عند اخوياك الساعة 10 تقول يالله بروح انام ..!! تخيل تتعشى عقب صلاة العشاء على طول عشان تقدر تنام الساعة 10 !! او 11 !! تخيل الساعة 2 مافيه احد صاحي .. مافيه احد بالشوارع الا العساكر ..!! تخيل الساعة 3 مافيه احد بالماسنجر كلهم نايمين !! تخيل تدخل المنتدى عقب الساعة 12 ماتشوف احد ابد .. !! طيب اذا قلنا كذا وشلون بقدر اكتب المواضيع ؟؟!! خصوصا اني متعاقد مع الساعة 4 الفجر هو التوقيت الرسمي للمواضيع !!؟؟ تهقون فيه احد يبي يطلع بيان ويقول اني عقدي مع الساعة 4 باطل ويبي يضر المنتدى والاعضاء الاخرين .!!؟؟ ام القرف ياشيخ ..!! ما مثل كل يوم لك جدول مره تواصل ومره تنام الفجر ومره من المغرب وانت في الفراش .. !!

هذا وانت شايب تنام متاخر

بصراحه انا ماتخش مزاجي ان السعوديين اقل نوم

اللي اعرفه ان الخواجات ينام بوقت محدد سواءا اجازه او دوام

حدهم 11 بالليل بالكثير ويقوم الفجر يركض وهذا روتينه اليومي ثم يروح دوامه
اما عندنا تسمع والله
اغلب الموظفين اللي اعرفهم يرجع من الدوام ينام العصر ثم يرجع ويخمد على 1 او 2 ولا يقوم الا سبع وشوي

انا اللي اشوف نومي اقل نوم بالعالم لااني شاطب شي اسمه نوم العصريه لا رجعت من الدوام

واذا جات 12 انام لاني بيتوتي مااحب الطلعات الا بالاجازات فاقوم على صلاة الفجر واحيانا الله لا يعاقبنا نسحبها
الى 6 وشوي واحيانا الى 8

المهم انا اشوف اني قليل نوم ومع ذلك مااصف مع الخواجات

فانت تقول الحين معدل النوم 4 ساعات يعني معقوله فيه واحد سعودي ينام 2 باليوم صعبه بالذات سعودي

اذكر مره اعطوا اليابانيين استراحه مدتها ساعه ونص احتجوا اليابانيين

مايبون الا شغل
فما استبعد الياباني يكون شاطب النوم من قاموسه

واذا سلمنا وقلنا ان صحيح السعوديين اقل ناس نوم ياليت تكون صحوتهم فيها فايده لكن ماش