|
<><> يوميات الأعضاء في رمضان مع هامور البورصة <><>
   - فكرة وإعداد ومتابعة : المنتدى الاستشاري
- تصميم : عاشق بو يعقوب
 مرحباً بكم احبتي مع ضيفنا التاسع في يوميات الأعضاء في رمضان
وضيفنا هو عضو متميز في المجلس العام هامور البورصة 
بسم الله الرحمن الرحيم
السلام عليكم ورحمة الله وبركاته
اول شي اسف ع التااخر جداً جداً والمشكله من المصدر الي هو النت 
المهم الجمعه هو يومي التاسع من رمضان
يوم الجمعه يمكن اكثر يوم قعدت ع النت فييه صلينا الفجر ورجعت اسولف مع وااحد المهم خذتنا السوالف والضحك بعدها قالي طارق ترى بتفوتنا الجمعه قلت بنفسي هذا مهبوول الحين الساعه توها الظاهر تسع او ثمان  المهم قالي قم خلنا نروح نصلي ترى الساعه ثنعش وعشر انا الحس مخي معقوله رجعت اسأله كم الساعه عشر وثنعش قال لا ثنعش وعشر سكرت النت والظاهر ماقلت له مع السلامه وطلعت علطوول للمسجد وصلينا وقعدت شوي اقراء قرآن بس اني مررررره داايخ حتى اني صاارت اشك اني اقراء سطر واطمر سطر
المهم طلعت من المسجد ورجعت للبيت ونمت لين قدام المغرب بربع سااعه نزلت تحت لقيت اهلي مدهرين قلت اكيد عندنا احد طلعت للمجلس لقيت اخوياء اخوي  سلمت عليهم وقعدنا شوي الواحد ماله نفس يتكلم وراسي يعورني وكلهم اموون عليهم المهم قلت نزلو غتركم قالو لالا المهم اذن وقلطنا ع الفطور هم انصدموو قالو ليه تحطون الفطور والعشاء مره وحده انا هذي طريقتنا نحط الفطور كله مره وحده والمسجد يتااخر مره عن الاقاامه  المهم اكلنا وشربنا فيمتو وسانكوويك المهم ان حنا اكلنا اكل مهوب طبيعي تخدرنا حسيت رااسي ماافيه دم الدم كله ببطني لدرجة اني احس الاكل بيطلع من فمي اذا ركعت في المسجد
رجعنا للبيت العيال كلهم خدرانين شوي وينامووون طبعاً انا متاقلمين ع الجوو بس هم الظاهر اول مره في هالرمضان ياكلون كل شي مره وحده المهم شوي اشووفهم نطلو غترهم وجلستهم بدت تتغير من رسميه للشباب برحله شفنا طاش وبيني وبينك واذن العشاء صلينا العشاء ورجعت دخلت ع النت ابي اشووف شخبار محمد وفياض المهم سولفت معهم شووي لين بدت المبارااة وكسرنا رووس مصاصي الدماء وهزمناهم بالصفر انتهت المباراة وانا اضحك وجرح يقول والله لحتج وفياض يقول وش تحتج عليه المهم اني كنت جوعاااااان مره مره مره قلت بطلع اتعشا بس تذكرت مباراة الدوافير وقلت بقعد المهم سولفت انا وزعيموو وكنت اقوله سو كذا ويعني اشياء عاديه وقالي اتصالي خربان قلت تبيني ادخل بيوزرك قال لا خلااص الفيلسووف بيرد بدالي قلت حلوو بدت المبارااة والظااهر انهم كانو معتمدين علي كنت انسخ السؤال واقولهم الاجابه المهم جينا عند سؤال انثى الثعلب وش اسمه نسخته وماشاءالله ع الفيلسووف هو بس شاافني كتبت شي راح ينسخ ويلصق المهم قلت ترى الاجابه الثعل يعني واضحه قال جاوبت انثى الثعلب قلت له عدل وعدل بس بعد ايش وعااد سعوود اعتبرني مغششهم خطأ الي هو زعيموو وصار الي صاار
الموقف المضحك اني امس بعد الفطور توني رااجع من المسجد الا الجوال يدق رساله فتحتها لقيت مكتووب ترى اليوم يومي واذا ودك تدق علي عشان اكتب اسمك باليوميات ويصير اكشن انا طق عرق برااسي قلت بنفسي اليوم يومي لا والله مايخذه مني <== صرنا جارات ونتهااوش ع الرجال المهم استغربت انا ودقيت على سلطان قلت يالحبيب ترى اليوم يومي قال لا انا اليوم قلت تستهبل انت امس 8 واليوم 9 قال انا 10 قلت يعني بكره تكتب يومك قال ايه بس اكتب الي صاار في اليوم هذا عااد ضحكت ضحك على سولتان وسكرت الجوال وترى معااد دقيت عليه مره ثاانيه
كل الشكر للمتميز هامور بورصة وانتظرونا غداَ مع ضيف آخر . أرق التحايا وأطيبها من مشرفي واستشاري المجلس العام | 