الاخ سفر
والله كلامك صحيح , وقد حصل لي نفس الموقف , قبل فتره كنت مسافر خارج المملكه
ولما وصلت ذلك البلد كلمت مدامتي وقلت لها اني وصلت على خير . وفي طريقي
للفندق كلمت زميلي اللي سابقني بيومين علشان اسأله عن الغرف هل هي جنب بعض
وكم رقم الغرفه , لكن للاسف الجوال مايشتغل , حاولت مره ومرتين وثلاث ,المشكله ان مافيه رساله تقول ان الهاتف مقطوع ,مافيه رساله ابد ,المهم بعد عدة محاولات
ضاق صدري وارتفع ضغطي خصوصا واني قبل مااسافر رايح اشيك على صندوق
البريد ولم اجد فاتوره . المهم وصلت الفندق وكلمت من جوال زميلي احد الاصدقاء
في الرياض وطلبت منه ان ياخذ فاتوره بدل فاقد ويسدد باسرع وقت ممكن لأني لازم
اتصل باالمنزل يوميا ولأكثر من مره . الحاصل صاحبي في الرياض يعرف واحد في
الاتصالات , اتصل عليه وطلب منه يرد الخدمه ولما شيك هذا الشخص اللي في الاتصالات الفاتوره وجدها484 ريالا وقال لصاحبي والله حرام يقطعون الخدمه
على هاالمبلغ البسيط ووعده ان الخدمه ستعود بعد ساعه او ساعتين . كلمني صاحبي
وقال لي ان شاء الله بعد ساعه اوساعتين او عند المغرب باالكثير ترجع الخدمه .
بعد ساعتين كلمت صاحبي ولم انتظر للمغرب بسبب فارق التوقيت وشبيت عليه ,
يااخي مااشتغل التليفون , قال خلاص ان شاء الله بعد شوي . المهم مارجعت الخدمه
الا اليوم الثاني . لما رجعت رحت لصندوق البريد ولم اجد اي فاتوره رغم انها عادة
تجي على صندوق البريد مع العلم ان صندوق البريد لم يتغير . رحت للجيران اشتراكات
خريص واخذت الفاتوره ووجدتها فعلا 484 ريالا , ومن زين الطبايع 50 ريال رسم
اعادة خدمه . والله ماتهم ال50 , المهم انهم لا يستغفلون البشر بهذه الطريقه .
الان هل هذا يصير تقطع الخدمه وانت مصدر التقصير , كيف تقطع شركة الاتصالات
الخدمه من المشترك وهي لم ترسل له فاتورته ؟ كيف تاخذ من المشترك 50 ريال
رسم اعادة خدمه والمشترك المسكين لم يستلم فاتورته .
المشكله ان هذه الشركه المهترئه تعاقب مشتركيها على اخطاءها ولا يوجد من يعاقبها
على اخطاءها .
المصيبه ان الخدمات التي تقدمها هذه الشركه الجشعه عباره عن صدمات عقابيه
لمشتركيها , والله ياجماعة الخير خدمتهم اسوأ من السيئ بكثير .
مشكلة الاتصالات السعوديه مشكله اداريه بحته فاكثر المسؤلين فيها مهندسين اما
الاداريين فااعتقد لا وجود لهم فيها. فكلنا نعرف ان المهندسين يتعاملون مع الالات اكثر
بينما الاداريين يتعاملون مع البشر اكثر ,الاداري يهتم باالتخطيط والتنظيم والتنسيق
والتوجيه والرقابه , يهتم بالتمويل والانتاج والافراد والتسويق والترويج والاعلان , يهتم بتقديم الخدمه الجيده وبرضا المستهلك حتى ينال ثقة المستهلك وبالتالي تحقيق الربح الذي يساعده على النجاح والبقاء في السوق , اما تحقيق الربح بالغصب فهذا والله قمة التعسف .
صدقوني لو توجد شركة اتصالات جديده كان ماتلاقي ولا واحد يتعامل مع الشركه
الحاليه , لأتها فقدت ثقة مشتركيها وذلك بسبب جشعها وذلك من خلال اسعارها
الخياليه وخدمتها السيئه وتعاملها اللاحضاري مع المشتركين , وعاش الاحتكار .