إقتباس الرسالة الأصلية كتبت بواسطة G E R R A R D يعني بالنهايه الاموال الكثيره ماراح يستفيد منها النادي ... راح يستفيد المستثمرين بجمع الارباح

بالعكس يالغالي .. هذا لو كان المستثمر شخص جاي من خارج النادي .

لكن ميزة المستثمرين الحاليين إنهم مشجعين (حقيقيين) للفريق .

كيث إيدلمان مدير النادي واللي زار نادي الهلال قبل موسمين صرح قبل شهر إن أعضاء مجلس الإدارة واللي يمتلكون أكبر نسبة أسهم في النادي لهم سنين عديدة ما خذوا أرباحهم من الأسهم وكانوا يعيدون ضخها في الفريق من جديد للتخلص من الديون اللي على النادي بأسرع وقت .

صحيح إن النادي إرتفعت مداخيله بشكل كبير والآن هو الثاني في العالم تحقيق الأرباح , بالإضافة إلى إن إدارة النادي وفرت لفينجر ميزانية كبيرة لشراء لاعبين .

لكن النادي عليه ديون كبيرة تبلغ أكثر من 200 مليون باوند . والتخلص من الديون راح يحتاج إلى خمس سنوات ويمكن أكثر .

أهمية فينجر للأرسنال و للإدارة إنه قاعد يبني فريق قوي وشاب وفي نفس الوقت ما يكلف النادي كثير .. وهذا أحد أهم الأسباب اللي تخلي الإدارة تتمسك بفينجر وتعتبر إن مجرد خروجه يعني إنهيار كامل للنادي .

ميزة أرسنال إنه نادي كون نفسه مالياً (بعقول) مجلس إدارته و بـ (دهاء) مدربه بدون مايستعين بملياردير من خارج النادي أو البلاد رغم الضغوط الكبيرة اللي يواجهها لشراءه من أثرياء خارج مجال الكرة .

لو الفريق كمل على إستراتيجيته الحالية وقدر يتخلص من الديون باعتماده على نفسه , راح تكون قصة نجاح أسطورية و توقعي والله أعلم إنه راح يكون النادي رقم 1 عالمياً خلال الخمس سنوات القادمة .