لعبها صح أبو ذاكر ..
الاستحقاقات هالسنه عربيه وخرابيط بصراحه ولا تستاهل المهانه من أجلها يعني كاس العرب بعيد عن خشومنا في ظل وجود مصر والسودان .. واللاعبين اللي مثل خالد عزيز وياسر القحطاني وعمر الغامدي ومحمد الشلهوب وكريري و رضا تكر وغيرهم .. لو تلاحظون إنهم تقريباً لهم 3 سنوات يكرفون كرف العفاريت بدون توقف والنتيجه عقوبات وتهديدات صارمه من المصيبيح .. من تصفيات كاس العالم إلى اليوم وهم يلعبون بدون توقف يذكر اسوة بغيرهم سوى عشرين يوم وهو يعرف انه بيرجع مباشرة للمنافسات فتجده مظطراً لمزاولة التمرينات في أي مكان يتواجد به .. مو مثل زملاءه اللي مريحين واذا جا قبل الموسم سوى لهم رحله سياحيه تحت مسمى معسكر ..

بذكركم باللي صار نهاية الموسم .. فيه فرق انتهت منافساتها قبل شهر من مباراة الدوري ( مثلاً البحري خذ شهر إجازه ) وفيه لعيبه مثل لعيبة الهلال والوحده والشباب والاتحاد استمروا في اللعب حتى يوم 1/6/2007م .. وكان معسكر المنتخب بادي قبلها بيومين .. وصبحوا من بكره في المعسكر .. وبعدها ضغط كبير كبير كبير في بطولة اسيا .. وبعدها إجازه عشرين يوم في ظل اقتراب المنافسات يعني اللاعب زي ماقلت بيجي دايركت على الملعب .. هذا ترى ظلم للاعب بصراحه .. تراه ماهو مكينه يخدم 24 ساعه ..

أهنيك ياخالد عزيز على ذكائك .. ولا أستبعد أن يعتزل أحد لاعبينا الكبار دولياً بسبب هذا الضغط الزائد الذي لايحتمله انسان ..