ميلان - لاتسيو .. توقعت المباراة تكون احلى مما كانت هيا عليها ... بس يالله ماعليه انشالله المباريات اليايه و ماشالله عليه مالديني قام يقول و قوله ممتاز و يدل على خبرته الكبيره بالمستطيل الاخضر

يوفنتوس - بارما .. كان مبين ان بارما ماراح يقدرون يحافظون على القولين اللي يابوهم لان بعد القولين بدوا يرجعون و بدوا يسنهزءون بيوفنتوس !! الى ان ياب تودور القول الاول اللي اعتبره غلطه من فري لان خروجه من المرمى ماكان موفق !! و ديل بييرو بحماسه و خبرته ياب القول الثاني

الانتر - كييفو .. بدايه قويه لكييفو و قولهم كان ممتاز لكن فييري كانت له بصمه و ياب قولين الفوز للانتر و الانذار اللي خذاه فييري نتيجة اعصابه و نرفزته ماكان له داعي لان فييري اكبر من هالحركات !! بس ماعليه ما انكر بان الحكم ظلمهم .. و زين ماضيع البلنتي فييري