إقتباس الرسالة الأصلية كتبت بواسطة brad pitt ياشباب لو ندور على مكان إقامته بالرياض ونعطيه بعض الكتب عن الإسلام يكون أفضل.

والله صدقت أخوي الكريم
بعدين وش العالم هذي اللي حاقده عليه كذا بس عشانه رفع علم إسرائيل ؟
أقول للناس هذي ترى ما بعد الكفر ذنب
هذا بس عشانه رفع علم بتسوون فيه كذا ؟
أجل وش تقولون عن اللي يسبون الله ويعبدون الطبيعه ويدوسون القرآن ولا يعترفون بشي اسمه الله ؟
أعوذ بالله منهم ولعنة الله عليهم
تذكروا الرسول صلى الله عليه وسلم لما قالوا له الصحابه لما لا تدع على قريش ؟ قال في معنى الحديث ما بعثت سباب أو طعان إنما بعثت رحمه
ياناس قبل نقول جمهور ورياضة سعودية وسمعتها ترى فيه شي أهم وهو سمعة الإسلام وصدق أخوي يوم قال نعطيه كتب عن الإسلام لعل الله يهديه أحسن من التفكير بضربه والإعتداء عليه
وأبي أذكركم بشي هذا الكافر دخل السعودية بموافقة الدولة ومختوم على جوازه إذن بالدخول
يعني شرعا يصير في حكم المستأمن وكذا ما يجوز الإعتداء عليه
والمستأمن والمعاهد والذمي كلهم في حكم المعاهدين اللي قال الرسول صلى الله عليه وسلم عنهم : من قتل معاهدا لم يرح رائحة الجنة ( أي لم يشمها ) وإن ريحها يوجد من مسيرة أربعين عاما . صحيح أخرجه البخاري
والله يعلمنا ما لم نعلم