الصراحه موضوع اكثر من رائع بالعكس اتمنى تثبيته وتطبيقه من الجمهور الهلالي ولو ثبت

الموضوع راح يلقى تفاعل من الجمهور وانا اقرى الموضوع تحسمت الصراحه يعني ودي اروح

الملعب الحين واسويها

بس ابعلق على نقطتين بسيطتين :
1-

إقتباس أولا/ عدم التفاعل مع الأخ إبراهيم حقوي أثناء ترديده للأهازيج

يا اخي الصراحه ابراهيم حقوي الله يجزاه خير لا يصلح للهلال وليس في طموح جماهير الهلال لعدة

اسباب وعيوب فيه منها : انه لا يملك الصوت الجميل ، وايضا لا يملك للكلمات او الاهازيج الرائعه

اللي تكون من ابداعه ، وضعف اللغه الانقليزيه هو عدم نطقها صح بالذات في اي لف يو ، وايضا

نكنته او كلاامه فيه شوي من عدم الاتزان ، وايضا المقرفونات تفقع الراس فلا تلوم اللي يطالبون

بسكوته والجو حار والمويه ما تخش الملعب الا تهريب وتبيهم يصايحون بعد .

2-

إقتباس ثانيا/ للأسف سلبيه موجوده لدى الجمهور الهلالي ونتمنى عدم نكرانها وهي التشجيع والتحفيز لبعض النجوم وصافرات الأستهجان للبعض الاخر حتى أن البعض أسهل شيء عنده سب أحد اللاعبين الذين يمثلون نادي الهلال. يا أخوان والله لو كان اللاعب نجوميته تصل لأعلى المستويات ويلاقي الإستهجان وعدم الرضا أن مستواه سينزل فاللاعب في الأخير بشر بالعكس عندما يكون اللاعب مستواه متوسط أو أقل ولكنه يجد الدعم من جماهير ناديه صدقوني سيحاول أن يقدم ما يرضي الجماهير الهلاليه بكل ما يملك وأكثر. ما هو ذنب المفرج مهما إختلفنا على مستواه أن المدربين يجدون فيه أفضل من يمثل نادي الهلال ما هو ذنب العنقري كذلك يا أخوان هل يتعمد فهد المفرج ان يخطئ أو غيره من النجوم بسألكم سؤال لو بدع المفرج في احد المباريات ولكن للأسف كان الهجوم سلبيا بقيادة التائب والقحطاني هل للمفرج ذنب في ذلك ؟؟؟

في هذي الصراحه معك كل الحق .
لازم الجمهور يحفز اللاعبين داخل الملعب حتى اذكر انهم يصايحون على الفان العام الماضي ويوم طلع يطالبهم بالتصفيق ومحد صفق له

اما النقد يكون بعد المباراة اما داخل الملعب فعلينا التصفيق للاعبين وعدم التصفير لهم واتمنى ان نكون مثل الجمهور الاوربي يصفقون للاعب المنافس مو بس لاعبيهم ..!

واتمنى ان يكون الجمهور الهلالي عنده روح عاليه ويصفق على اي هجمه حلوه سواء ضاعت او دخلت المرمى مثل الجمهور الانقليزي .

بالختمام كلامك اخوي خالي من الهم واسلوبك وطرحك للموضوع اكثر من رائع وجهدك تشكر عليه اتمنى افكارك ترى النور ونكون اول جمهور اسيوي يطبق هذي الحركات في ملعبه .

والله اني اذا شفت جمهور برشلونه ايام ابطال اوربا والا جمهور الريال العام بالدوري وبالذات في اخر مباراه احسدهم واتحسر اقول يا ليت عندنا فكر جماهيري زيهم .