اشوفكم قالبينها منتدى موبايلي مو منتدى الهلال

لاتنسون ان المستفيد الاكبر من الموضوع هو شركة موبايلي ولا الهلال كل الشركات تتمناه

ثانيا العقد الا الحين مبهم يعني ما نمدري وش التفاصيل بالضبط والنادي ما صرح بأي شي حتى الحين فلاتتسرعون يمكن موبايلي مشترطة ان كامل دخل الاشتراكات الي عن طريق جوالاتنا يكون لهم مقابل ال40 مليون هذي الي هم دافعينها لا تكونون مع المثل القائل مع الخيل يا شقراء لا اصبروا وفكروا فيها وخلينا نشوف العقد وتفاصيله وبعدها نفكر
وموبايلي ما جت ترعى الهلال لأنهم هلاليين لاااااااااااا لأنهم متأكدين من ربحية الاستثمار في اكبر نادي في الخليج يعني هم الربحااااانين فكرواا بعقل يا جماعة الخير

انا ما يقهرني الا الي قالبينها هواش مع الأتصالات كأنهم انشروا من قبل موبايلي كلهم شركات تسعى للربح وبس لا أكثر ولا اقل والدعاية الي على فنايل اللاعبين اكبر دعاية لأي شركة غير كذا الملعب ولوح الاعلانات بالنادي

اعيدها عليكم موبايلي هي الي بتستفيد منا مو احنا الي بنستفيد منها كثر ما هي راح تستفيد

والاتصالات شركة متحجرة يعني ما عندهم فكر تجاري حديث لأنهم يقارنون الاندية ببعضها وهذا اكبر دليل على فشلهم وخسارتهم للهلال مصيبة بالنسبة لهم والدليل القهر الي بان عليهم بعد اعلان العقد

واعيد الهلال مكسب لمن يرعاه وليس العكس