@@ ما يعيمنا من أبو خالد !! @@
اكيد فيه منكم من وده يسأل وش معنى ... ( يعيمنا ) ؟ .. انا صراحة ما اعرف لا اصلها ولا فصلها .. بس اسمع جدتي الله يطول عمرها تقول دائم عن واحد من خوالي اسمه أبو خالد .. ( عسى ما يعيمنا من أبو خالد) !! واكيد انها مدحه !!
مرة من المرات سألت جدتي وش معنى ( يعيمنا ) !!؟ ولا جاوبت بس رجعت وقلت : انتي يومك تقولين ( عسى ما يعيمنا من ابو خالد ) .. قصدك ( ما يخلينا من ابو خالد ) .. قالت (ايه) وش ودك اجل .. عسى ما يخليني منه ( الهاء في منه عائدة على ابو خالد
) !! دريت انها تحسبني اعارض أو عندي مانع ..
المهم .. وصلنا بعد تحليلي لسياق الجملة اللي تقولها جدتي <== ياحبيل هيا تحكي فرنسي ..
.. ان ( يعيمنا ) مالها معنى اذا قيلت بلحالها .. بس بجملتها ككل تعطي نفس معنى ( يخلينا ) ..
المهم داعي هالخربيط كلها .. انني انضغطت جداً من حكم الهلال والاتفاق الله لا يوفقه !! لو الهلال فايز ومتأهل كان اصبحت قاعدتنا الهلالية يالله من فضلك .. ولا نحتاج (18) سنة اعادة بناء مثل ما صرح احد النقاد الله لا يسفهه !!
ارجع لابوخالد .. اللي صراحة برد قلبي بكلامه عن الحكام ولجنة الحكام !! .. طبعاً انا منبسط بحكم انه اخذ حق الهلال وهو ما يدري المسكين !! ..
فالقادسية تضرر من الحكم في لقاء النصر أكثر من النصر !! والهلال تضرر أكثر وأكثر .....
ومع هذا ينتصر أبو خالد للمظاليم الهلال والقادسية .. و ( يحوق ) لجنة الحكام حوق !! ..
طبعاً علشان ما تعتقدون اني افتري واني اظلم النصر .. تابعوا اللقطات التالية .. عن المباراة ..:
@@ الاولى @@
عبدالرحمن البيشي اللاعب الناعم .. لديه بطاقة صفراء !!! ومع هذا يدخل دخول عنيف على حارس القادسية !!( انقضاض ماركة مصطفايا .. والتعبئة في مصنع الداوود !! .. تابعوا الدخول العنيف ومع هذا الحكم لا يحرك ساكن !! لا معاقبة البيشي بكرت اصفر تعني الطرد !!! والحكم ما سلم بدون كروت حمراء وشلون لو حمرها !! كان علوم !!
أقول لا يكثر القرق .. وأضغطوا هنا واستمتعوا بالموهب البيشي !
@@ الثانية @@
اهااااااا .. فية لمست يد !!! تابعوا الكرة وهي في الهواء ولاعب النصر يحول الكرة بيده !!
القانون في هذه الحالة يقول - طبعاً مستعين بخبرة اخوي اللي التحق بدورة تحكيمية لمدة اسبوعين .. القانون يقول : يمنح اللاعب كرت اصفراً .. ولكن في هالحالة .. الحكم عساه يسلم وهو ما عطى كرت اصفر !!!! ..
المصيبية لاعبو القادسية بدلاً من يطالبون بالكرت الاصفر للاعب .. اصبحوا يبحثون عن ازالة الظلم عنهم !!! ما عاد يبون كرت اصفر !!
والحمد لله لم يحتسب الهدف !!!
للمعلومية .. الحكم حسبها صح !! لو حسب الهدف وهو غير صحيح راح يتعادل النصر مع القادسية .. وعندها راح يستفيد الهلال من تعطيل القادسية !!! حسبنا الله ونعم الوكيل
اضغطوا هنا .. خلوا ينضغطون بعض الناس
@@ الثالثة@@
الثمامي يطالب بركلة جزاء بسبب هذه الكورة !!! وانا اقول مالك لوا .. والا تدري ما عندك سالفة .. والدليل :
في التصريح قال الثمامي :
 | إقتباس |  | | | | | | | | | |
لنا ضربة جزاء الدقيقة 15 واثنعششششش ثانية <==== القناة الرياضية وشوشت لا تفهمون غلط | |  | |  | |
انقهر يالعوام ( اقتباس داخل لنك .. وفيه بلنتي للنصر ) .. اتحداك تسويها !!
<=== جملة اعتراضية مالها دخل ابد ..
وانا يوم عدت الشريط لقيت ان الدقيقة 15 واثنعشششششششش ثانية الكورة كانت مع الحارس يبي يلعب ضربة مرمى
.. يعني اكيد تقصد الكورة اللي الدقيقة 15 ومهوب اثنعشششششششش اقصد الدقيقة 15 واربعععععععععع ( اسف ذي ما تنفع
) ..
المهم اللقطة الدقيقة 15 واربع ثواني .. يعني من اولها ما عندك سالفة
ثانياً اللقطة مافيها الا العافية .. وين ضربة الجزاء !!!
اجل لو تشوف كورة قنات القنات وش تقول !!! اكيد تبي تقول ( يالله عطونا الكأس خلاص ) !!!
الله يهديك .. رفعت ضغطي .. على طاري الضغط .. اضغط (( هنا )) علشان تدري ان مالكم بلنتي ولا هم يحزنون .. الا المفروض يخدون من البيشي بدل تبطح .. كل شوي منبطح بالملعب !!
@@ الرابعة @@
أحد ضربات الجزاء المزعومة نسأل الله العافية !!! ..
تابعوا تبطح البيشي على غير سنع !!! .. تابعوا الاعادة جيداً !!
اضغطوا هنا حسبي الله على الظالم ..
@@@@@@@@@@
@@ ORBIT SHOW @@
اليكم عرض ابو خالد في قناة أوربيت ESPN الرياضية .. والقادم أوقح اكثر ..
تمخض الجمل وولد فار !! هكذا وصف ابو ثمامة لجنة التحكيم !!
وانا اوفقه الرأي 100% .. واقول ..
تمخضت اللجان فولدت لكم بطولتين في 8 سنوات !!!
بطولة العمر 1415 !!
بطولة السويل 1418!!
اضغطوا هنا !!
@@
اعطي كل حقيقة صاحب كل حق حقيقة حقه .. تدرون اسمعوا التصريح انتم .. ولا يفوتكم عنتر بن شداد آل شقير ..
والله وطلع الشقير من ( بن عبس ) وحنا ما ندري !! الله يرحم بلتني العيسى ، يومك حكم وانت من ( بن كليب ) !!
اضغطوا هنا ..
@@
- أبو خالد يريد ان يكون الدوري السعودي اقوى دوري في العالم ككل 
هذا الطموح والا بلاش !! اجل المركز الخامس بمجموعة من ست فرق !!
- ويضيف ابو خالد ان المثلث الماسي يجب ان يتغير اسمه الى المثلث الماشي !!! .. طيب مشكلة كبرى ان الهلال صار الاول العام !!!!! وش السواة ..
المصيبية الهلال حقق المركز الاول في تقريباً نصف مسابقات الدوري عبر تاريخه !!
يعني لو يتصدر الهلال الدوري السنة الجاية يبي يصير المثلث ( الزاحف) وبعدها المثلث (الرابض) .. لابد من حل لمشكلة تصدر الهلال .. خوفاً من يخرج مسئول هلالي ويطلق على المثلث الماسي (مثلث المواشي) نسبة للمثلث الماشي !!
اقول اسمعوا بنفسكم واحكموا .. اضغطوا هنا الله لا يضغطكم قولوا امين
@@ الله لا يغير عليك يالشهري .. !!@@
سعد الشهري .. من نجوم المستقبل النصراوي .. والذي نتوقع ان يختتم حياته الرياضية بعد ان يحقق سلسة من الانجازات ... وخلوني اتوقع الانجازات اللي ممكن يختم بهال الشهري مشواره الرياضي :
@ الميدالية البرونزية لدوري 1424..
@ بطولة غرب اسيا لابطال الدوري <== يشارك النصر فيها بالترشيح لانه سنة جدي ما حقق الدوري !! ( تراني ادري ان ما عاد فية تصفيات غرب وشرق اسيا .. بس وش اسوي جت افترض النصر بطل اسيا لقيتها قوية .. .. حتى افتراض وتوقع ما دخلت مزاجي !! )
@ المركز الثالث بفارق الاهداف عن المتأهل صاحب المركز الثاني في مجموعته في كأس مسابقة الامير فيصل بن فهد عام 1427 !! .. ورئيس النادي يقترح الغاء احتساب فارق الاهداف في المسابقات المحلية ( ياحول ودهم يتأهلون باللي هي به !!)
@ اما اعضم انجاز .. فهو وصيف بطل دوري 1429هـ .. بعد نهائي رائع بين الهلال والنصر انتهى بهاتريك للخراشي .. وطرد الشهري بمنتصف الشوط الثاني !!
اربع انجازات تتقاطر لها السعابيل !!
اعوذ بالله من الشيطان .. الا انا وش كنت ابقول عن الشهري !! .. ايه ..
الشهري بعد مباراة القادسية .. صرح ان التحكيم حرم النصر الفوز !!
وانا اقول الله لا يغير عليكم يا براعم النصر .. تعلمتوا من رئيسكم تحطونها برأس الحكم كل ما انهزمتم ..
اضغطوا هنا أو فيما سبق للاستماع بحديث الناشئ سعد الشهري !!
@@@@@@@@@@
@@ التم المتعوس على خايب الرجاء !! @@
عاشت الصداقة ..
هههههههههههه .. معروف قصدك !!
تقصد ان الاراضي اللي حصل عليها الجمعان طلعت على شارع 15 وشارع 10 !! مع ان الصك مكتوب فيه ان الشوارع تجارية !! خصوصاً الارض اللي في عطارد يقولون على شارع 80 وبجنب بندة العزيزية فرع المريخ !!
سؤال وجية صراحة !!
بس ربنا وربكم الله !! ماعلينا منكم !! اجل معلق على الصورة وتقول صداقة (حميمة) وحاطها بين قوسين !! ما يندرى عنك ياراعي الفنون الشعبية !!
أوحي
@@@@@@@@@@
@@ ما قل ودل !! @@
@@ طبيعي جداً ان يغضب الثمامي من عدم احتساب ضربات جزاء للنصر !!
ففي مسابقة كاس الامير فيصل بن فهد فاز النصر مرتين بضربتي جزاء !!!!
حتى الهنود اللي بالملعب يقولون :
( مافي زربة جزاء نصر مافي فوز ) ..
حتى الهنود يفهمون ... وشفينا حنا ما نفهم !! <== لا يجي احد يقول لا تنكت على الهنود !! ترى ابتركهم وانكت عن الخكاري !!
@@ لو درى أبو خالد عن فضيحة حكم مباراة الهلال والاتفاق قبل لا يصرح !! كان اتوقع يتغير التصريح 180 درجة !! وكان ممكن يطالب بدعم اللجنة الفتية لتحقق اهدافها السامية !!
@@ يلوموني بالاحترف المطبق بنادي النصر !! شوفوا بس هالخبر :
المصيبية انه سبق ان صرح الثمامي ان 75% من راتب اللاعب على مستواه في المباراة !! طيب اللي ما يلعب يستلم بس ربع الراتب !!
يعيش اللاحتراف يعيش يعيش يعيش
@@ بعد تصريح ابو خالد في اوربيت ويوم قال : ( مستعد اناظر في اي زمان واي مكان !! لو يبون في جزر الواق واق ) !!! صراحة ضاق صدري !! وقعدت اهوجس !!
قلت في نفسي !!
وشلون لو ما يصير في الواق واق نقل تلفزيوني !! وشلون نقدر نتابع المناظرة !!!
عسى المناظرة ان شاء الله تصير بالرياض رياض .. وش لنا بالواق واق !!
@@ لو عرضت هذه القصاصة على احدكم وسألته كم تتوقع عمرها !! او تاريخ نشر هذا المناشيت :
بالتأكيد ... البعض سيقول ..
عمر هالمناشيت خمس سنين !!
والثاني يبي يقول يمكن بعد تاريخ 9-9-1999م .. التاريخ المقترح لتكريم ماجد !!
والثالث العارف ببواطن الامور والمتابع سيقول .. لا لا ممكن يكون له سنة نص !!!!
بس الصدمة اذا عرفتوا ان هالعنوان نشر اليوم !!!!!!!!
سبحان الله ... بعد 5 سنوات من اعتزال ماجد !!! لم يتم ارسال خطاب تكليف اللجنة بحفل تكريمه !!!
لا ادري ما الداعي لنشر هذا التصريح والعنوان في هذا الوقت بالذات !! هل هي رغبة من ماجد في سحب الانظار عما يحدث في فلسطين من حصار لياسر عرفات !!
اما ان ماجد يفكر جدياً في اقامة حفل اعتزاله قبل حل قضية فلسطين !!
كل التوفيق لك يابو عبدالله ..
@@@@@@@@@@@@@@@@@@@@@@
القادم :
(((((((( سري للغاية )))))))) وفية نتحدث عن ( الهلال والطريق إلى الرئاسة !!) .. وننشر من خلالها مستندات و خطابات سرية حصلنا على نسخ منها !!! ونطلعكم على واحدة من هذه المستندات للتشويق لا أكثر .. الخطاب بعث به عضو شرف هلالي رفض الافصاح عن اسمه .. جاء في الخطاب كلمة واحدة هي :
@@ وفي البرنامج نفسه تم العثور على بقايا من اعضاء شرف في نادي الهلال .. حيث عثرنا مصادفة على نسخة من خبرين لا نعلم مدى صحتهما :
وسيتم التعليق على كل الخطابات في حينه إن شاء الله .. فلا تخلونا
