باركولي انقبلت مبدئي ....
بسم الله الرحمن الرحيم
السلام عليكم
كيفكم 
اليوم وما ادراك ماهذا اليوم هذا اليوم تارخي بالنسبه لي 
هذي قصتي ::
(( من يوم سمعت ان فيه تقديم على بعثات وانا متحمس ومتفائل جدا جدا المهم اخوي كان يقول لي كل يوم تراك ازعجتنا بهالبعثه كل كلامك عنها 
المهم في مغرب اليوم المشهوود 22/8/1429 هــ
جائتني رساله في المغرب وكان اخوي معاي في نفس الغرفه المهم فتحت الرساله الا ويطلع لي رساله من MOHE
نص الرساله --- يسرنا ابلاغك ان الطلب الذي تقدمت به لوزارة التعليم العالي رقم : ................... تم قبوله
اسم مقدم الطلب : ...................
ولمزيد من التفاصيل زوروا موقعنا على الانترنت www.mohe.gov.sa
مع تمنياتنا لكم بالتوفيق والنجاح ---
المهم والله يوم قريت الرساله طرررررت من الفرح هذا وهو قبول مبدئي بعد عاد كيف لو كان نهائي
والله واروح اقووول لامي وابوي واخواني وكل اخوياي الي قدموا على بعثه واسالهم كلهم يقولون ماجانا شي
واحد من اخوياي راح كلم ابوه وقال له ماقبلوني الوزراه المهم ابوه راح يكلم واحد في الوزاره ويقول له لييييه ماقبلتوي ولدي ومدري وش يقول
المهم والله واروح انا واخوي صلاة العشا وانا فرحااااان ويوم رجعنا من الصلاه جا اخوي ينادي اخوي الثاني وامي ويقولهم شوفوا هالمقطع (((( اثاريه مصورني وانا اقرأ الرساله علشان يشوف ردت فعلي الغير طبيعيه ))))
المهم والله جا ضحك علي بس عادي اهم شي انقبلت
ويوم خلص المقطع جا اخوي يقووووول ((((((( يوووووووووه كل هالفرح ولا قبلوك  )))))))
انا ماصدقت وهو ماااااات ضحك علي واشوووووف المرسل الا هو MOHE اشوف الرقم الا هو رقم اخوي 
انا انصدمت وعصبت  وضحكت  كل هذا في نفس الوقت
وكانت هذي السالفه مرسومه من قبل اخوي + ولد خالي بس اني تقبلتها بروح رياضيه
عااااااد الحين باركوووووولي انقبلت 
دعواتكم لي بالتوفيق والقبول
بااااااااي
....
...
..
. | 