إقتباس الرسالة الأصلية كتبت بواسطة الـتـمـيـمـي يسعد مساكم جميعاً يا حبايبي اللي معه دراهم ومضيقه عليه .. او عنده استعداد يصرفها بأي شكل من الأشكال .. ياخوي قدّم لآخرتك قبل دنياك .. قسم بالله لا نادي الهلال ولا غيره بينفعك في آخرتك .. ياخي اغلبكم وصلته رسايل على الجوال من اصدقاء له او غيره مضمونها أنك تكفل يتيم بأي دوله كانت وبمبلغ ( 117 ) مائة وسبعة عشر ريال فقط لا غير .. ولا تنسى حديث الرسول عليه الصلاة والسلام عن كفالة اليتيم وعظيم أجرها .. ياخي الهلال والله العضيم مهوب في حاجه لفلوسنا نادي الهلال غني ( بإمراءه ورجال اعماله ) ولو حبوا يجيبون رونالدينهو في الآسويه وربي ما يعوق معهم كلنا نحب الهلال وودنا انه يفوز بكل مبارياته سواء نهائيه او دوريه او حتى وديه .. لكن هذا ما يمنعنا من اننا نحكم عقولنا .. نادي الهلال في النهايه وش راح يعطيك ؟؟؟؟ لكن افعال الخير اللي ترضي ربك هي اللي تبقى في رصيدك .. يوم لا ينفع مال ولا بنون ولا احد منكم يقول وش يبي ذا ( مطوع الدجه ) انا ما ادعي الإلتزام بأمور ديني ولي الفخر لو كنت كذلك .. لكن الله يغفر لي ولكم كل خطايانا وزلاتنا .. لكن الدين النصيحه .. المهم انا طولت عليكم .. المعذره ثم المعذره .. وفي النهايه اللي يبي رقم هاتف الندوه العالميه للشباب الإسلامي ( اللي ذكرت لكم انهم يتكفلون برعاية اليتيم عن طريق المبالغ اللي تدفعها انت ) 2050000/01 تحويله 820 والله من وراااااااء القصد .. فمان الله يا ابضايات

جزاك الله خير وتم تخزين الرقم

اخوي كاتب الموضوع

نادي الهلال ليس بحاجة للتبرع

ورجال الهلال مايبون اي احد من الجماهير

انها تدفع والدليل انت تبي تدفع مكافأة الجامعة والآخر يبي يبيع السيارة

لية طيب تحرم نفسك علشان تدعم النادي ياخي فيه امور كثيرة تقدر تدعم النادي

منها الحضور إلى الملعب والأشتراك بجوال الهلال وغيرها من الامور اللي ماتحتاج انك

تحط مكافاتك في دعم النادي وهذا هو سبب رفض الادارة الهلالية فتح حساب

إذا انت تقدر تدفع فية غيرك مايقدر

ارجوا ان تاخذ ردي هذا من باب الاخوة