نعم اقولها وارددها الى ان يتغير الوضع

الى متى يا جماهير الزعيم ؟؟؟؟؟؟؟؟؟؟؟

قبل ما ابدأ الموضوع بودي أطرح بعض الأسئله

س : ليه فريق الاتحاد أسد اذا لعب في جده نعامه اذا لعب خارج جده ؟؟؟؟؟؟؟
ج : الاجابه سهله وما يبيلها فلسفه بسبب جمهوره طبعا

س : ليه فريق الطائي أسد اذا لعب في حائل نعامه اذا لعب خارج حائل ؟؟؟؟؟؟؟
ج : الاجابه سهله وما يبيلها فلسفه بسبب جمهوره طبعا

س : ليه فريق النجمه أسد اذا لعب في عنيزه نعامه اذا لعب خارج عنيزه ؟؟؟؟؟؟؟
ج : الاجابه سهله وما يبيلها فلسفه بسبب جمهوره طبعا

لو تلاحظون اني ضربت امثله لعدة فرق سواء كانت فرق صغيره او كبيره

مختصر الكلام ان اغلب الفرق - اذا ما كانت كلها- تستفيد من اللعب على ارضها باستثناء


الزعــــــــــــــــــــــــــــــــــــــــــــــــــــــــــــــــــــــــــــــــــــيم

والسبب بسيط وهو( جمهور الزعيم الموجود بالرياض وما حولها) لانه ما يحضر المباريات واذا حضر تكون فاعليته محدوده لان طبيعة جمهور الهلال ساكت واذا تفاعل مع هجمه او هدف صفقنا شوي وبعدين رجعنا على حالنا.

ارجع واقول الكلام اللي قلته كثير قبل كذا وهو

(( لو كنت من سكان الرياض او حتى حولها كان ما افوت ولا مباراه للزعيم ))

(( ياجماهيرالزعيم بالرياض تراكم في نعمه محسودين عليها من جماهير الزعيم في باقي المناطق ))

تكفون وتكفون وتكفون الزعيم بحاجتكم وبحاجة دعمكم لا تخيبون الظن فيكم

وياليت يكون الدعم ابتداء من مباراة الاتفاق يوم الاحد الجاي لان مرارة الاربعه الى الحين في فم كل هلالي صميم.[gl]الى متى ايها الزعماء[/gl]