نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رابطة عشاق برشلونة ][ ][ 2007

PUYOL Carles · #3276 30/08/2007, 05:25 AM

^^^

اخ بيكام .. لاتدقق

.. الأخ يقول اذا ظل برشلونه يلعب جديه .. باي باي مدريد .. هل الجمله منطقيه .. خدها مني لأ .. بس هدا حال التشجيع .. كل واحد يقولا لشي الا يحبه عن فريقه .. وانت ممكن تقول نفس الشي في قلبك ادا شفت الريال يلعب عدل

..

فـ بس لاتاخد الموضوع بحساسيه يعني

..

-------

نجي نطقطق عندكم بعد ماشاهدت المباراه تسجيل هههههه ..

وطبعا لازم تنتقدو ريكارد عشان اوليقير ههههههه .. وخوركيرا بعد ياناس ارحمو الاعب ترى مباراه وديه خلوه يلعب شوي وشفيكم .. ترى مونص نهائي التشامبيونز ليق ..

يالله مومشكله ..

طبعا اليوم بانت المباراه من طرف واحد .. هل حاولوا الانتر يلعبو .. ماحاولوا .. البارسا ماخلا ليهم فرصه .. كله في علم الغيب .. بس الظاهر ليي كمشاهد انه البارسا ماخلى فرصه .. والانتر يلعب بنقص في مختلف خطوطه ..

اليوم الفريق كانت عنده ثقه اكبر بـ يايا توريه في بناء هجماته وفي التمرير له ..
وكان لعب الفريق اسرع .. من خلال عدم الاحتفاظ بالكره في منتصف الملعب بشكل كبير من اكزافي ..

سرعة اللعب اليوم كان السبب فيها بشكل اكبر انه الاطراف نشيطه ( هنري - جيوفاني ) .. دفاعيا وهجوميا .. وخصوصا جيو كان دفاعيا ممتاز ..
وايضا عودة ديكو الى التشكيل الاساسي ( بـ فعاليه ) .. كانت اكبر فائده من اللقاء ..

رونالدينيو يلعب على الواقف نقدر نقول .. لعب في هالمركز اكثر من مره الموسم الماضي .. ممكن يبدع فيه مع التعود كيف يتحرك فيه .. وممكن يصير مثل توتي في روما .. مع العلم انه هالمركز بوجود هنري على اليسار .. يفيد في حالة تغير الخطط .. يعني اليوم شفنا روني يرجع .. ويظم في العمق جيوفاني .. او هنري .. بس عادة كان جيوفاني الا يضم ..

اليوم ولأول مره من سنتين يمكن .. اشوف برشلونه يطلق قذائف كرويه من كل ارجاء الملعب .. من زمان ماشفت برشلونه يشوت من بعيد .. خصوصا ديكو .. اكزافي .. اخيرا شفتهم رجعوا الى ايام التشويت .. زامبروتا جرب ايضا ..
لكن الأفضل .. والا كنت اقولها في بالي قبل كم يوم .. انه يايا توريه لما يتعود على الفريق اكثر .. المفروض يشارك في الهجمات بشكل اكبر .. خصوصا بيكون جاي من ورا وماحد يراقبه .. واحنا شفنا تسديداته في الضربات الحره في مقاطع اليوتيوب .. جميله وقويه .. واثبت ليي هالشي اليوم بتسديدتين .. والأهم في هالتسديدتين انها اطار الخشبات الثلاث .. مره صدها تولدو .. ومره قال له توريه حاول مرة أخرى

..

الدفاع كان جيد .. غفل عن كرات قليله .. نظرا لأنه الانتر ماكان يهجم اصلا .. وكان كريسبو - ادريانو ثنائي مفصول عن الخدمه ..

الحق يقال .. اوليقير كان جيد اليوم .. لم يقم بشئ سئ .. والمفروض نمدحه .. ولا عاد الشوته الا على الطاير

.. وانشالله يظل على جديه والى الأفضل نظرا لأنه احتياطي

..
سيلفينيو خبل دائما

.. في البدايه كان مرتبك .. تدخل في كوره ماكانت له مع ميليتو في كره رأسيه .. لكن هالشي راجع لأنهم مايلعبو مع بعض .. بس بعدها زبط اموره وكان جيد ..

تورام لم يختبر كثيرا .. لكن مايحتاج اتكلم فيه بأي شي .. يظل تورام احد اعظم المدافعين الا شفتهم ..
ماركيز . عوده موفقه .. والى الأمام ..
ميليتو ( بديل صفقة تشيفو ممكن نقول ) .. ادى ماعليه .. وكان جيد جدا .. هذا ثاني مباراه يلعبها .. اداء يبشر بالخير ..
-------
اليوم تشيفو كانت مباراته سيئه جدا

.. كل هذا ارتباك عشان لعب قدام البارسا :p .. حتى لما طلع الكل صفر له

.. ( ترى امزح يالانتراويه موفاضيين الى مشاكل ) ..

والا تايسون اوووووبس .. اقصد ريفاس .. احد يقطع كور جديه .. كله باللكمات

..
-------

على العموم كلنا ارتحنا نفسيا من مستوى الفريق . ومن مستوى بعض الللاعبين مثل يايا توريه .. ديكو .. اكزافي .. جيو .. واكيد مباراه جيده الى هنري ..

لكن لاننسى انه ايتو انصاب .. فـ لازم نذكره بعد بشي .. الافهمته من كم خبر .. اصابته في العضله .. وكان يمديه يلعب .. وهو مااراده ايتو بنفسه .. لكن ريكارد اصر على اخراجه .. ويحتاج الى الراحه بس .. انشالله هذي بس اصابته يارب .. موفاضيين اصابات نحتاجك ياأسد .. انت بس لوتسوي وزان ادرعه الى كراعينك .. بتصير فله .. وبتجيب اقوال ..

-------

على العموم هارد لك يالانتراويه .. ندري انه المباراه ماتهمكم .. واهم شي الروح الرياضيه ..

ومبروك يالبارسا ..

حيو

( اموووت في الألوان السكسيه

) .. هههه