هذي ياجماعة في هاك الفايت ((كلمه هنديه تعني في يوم من الايام التى مضت ))
صايره سالفه وابغى اقولكم اياها عشان ابري ذمتى وعشان تشهدو
تونى موقف السيارة عند باب استراحة المنتدى
ويوم جيت ابطلع المفاتيح عشان افتح باب الاستراحه
زي العادى طلعتها ويوم دخلت المفاتيح في الباب
الشباب في الداخل سمعو صوت مفاتيحي (عاد انا مفاتيحي كثيره وتخرفش كنها غوايش عبده )
عارفين ان القطه حلت واني ابطلبها
وقم ياهالشباب وتناتقو وطامرو كنهم
امريكان مفجرينهم افغان لوووووووول ((وش رايكم سياسي انا صح ))
المهم
ابو ساره قاعد يغازل بالجوال زي العادة ماسكله فقرنه وحاط السماعه على اذونه والاذن الثالثه قاعد يسمع بها محمد عبده ماعنده وقت ولا هو داري باللى حواليه
والكذب خيبه ياعيال الرجال دفيع يعني يدقع قطته على طول هو رجال منغنش حبتين ((منغنش=عنده فلوس=تاجر ))
وابو الذهب هو وجاج قاعدين يلعبون كيرم
هم سمعو صوت الباب
لا ابو الذهب يطمر تقل فشقه للمطبخ يزين شاهى ((وهو والله ماعمره زين شاهي ××زول ×× الا اذا صار فيها سالفة قطه
وقم ي جاج واطمر رح شب ع الجمر (يبي يصرف عمره ) مب العادة اصلا هو مايشيش
الا على طاري جاج يعيال
تصدقون وش مسوي
مطفش دين ام الحارس حق الاستراحه اللي نهق هالهندي المسكين
تدرون وش اخر هبال له مع الهندي
تصدقون قايله خذ هالفحم ونظفه الين يصير زي وجهك
الهندي ماهو مستوعب شلون ينظف الفحم
قاله جاج بكيفك تبي تنظفه ولا انقلع
المهم الرجال طفش وراح
تدرون وش سوى جاج
خذ غرفة الهندي وخلها عيادة للتسوي
يجونه هالحريم فيروسه والهلاليه والمملكه وطقتهم يضحك عليهم وياخذ قروشهم
اللي قاهرني انه اخر واحد يقط في الاستراحه هو
المهم
اكملكم السالفه
واطمر قم بس قم ورح للحمام وادخله
وقم يالمستذنب ورح صرف عمره كنه يغسل الصحون والبيالات
وخربوط ايشن راح يرش الزرع
وقو يا الكنز ورح زبط راس الدش
الشااااااااااااهد
ان بيت الشعر مابقى فيه ولا واااااااحد لكم تناتقو
عاد يوم دخلت الخيمه وشفت مافيها احد
وانا اللي يضيق صدري واعصب وينعقد حاجبي اللي فوق عيوني ((وين بتكون الحواجب اكيد فوق العيون ..عاد لاتدققون مرره ))
المهم
وانا اللي ازئر زئير الاسد طبعا
واقول
واااااااااااااااااع واااااااااااااااااع
الى عموم اللى في الاستراحه تعاااااالو حضرو عندي هنا في الخيمه
هم سمعو زئيري
ولا كل واحد يجي تقل كنه شبل اسد يبي يرضع من ديد امه ((والله اني رهيب في التشبيه احس اني بصير كاتب مرموق ))
المهم كل الشباب حطو اللي في يديهم وجو للخيمه
عاد بتسئلوني عن اللي في الحمام
برضو هو يحط اللي في يديه ويجي
المهم
عقب ما اجتمعت فيهم
واقوم واخطب فيهم
ايها الشباب
اني ارى اناسن ما قطو
وحان وقت القطه منذ مبطي
واني والله لاغير كيلون الاستراحه بعد سنه
واني لاستطيع فعل ذلك بكل قوه واقتدار
والله على ما اقول شهيد

تتوقعون وش اللي صار
.
.
.
.
=
=
=
=
=
=
=
=
=
=
=
=
=
=
تصدقون يعيال
ما
ت
ت
و
ق
ع
و
ن
من قبل سنه
والى حزتك
ما احد قط
لا تخافون
راح تحسب عليهم فوااائد ه الست شهوووووووور
الحلال ما يظيع
يله
بااااااي في الحلقه القادمه