سلاااااااااااااااام

مدري وشلون ابدأ بس الفكره هي ان كل واحد مننا اكيد مرت عليه مباراة للهلال وبقت هالمباراه في ذاكرته.... أما لأحداثها او مناسبتها او نتيجتها أو لأسباب أخرى... ولكن في النهايه هالمباراه ماراح ينساها ابدددددد

ودي اعرف المباراه اللي دايم تتذكرها وتخطر على بالك؟

بالنسبه لي فيه مباراتين :

الأولى كانت الهلال والنصر واعتقد انها عام 1397هـ أو 1399هـ وكانت نتيجتها التعادل 3-3 وسبب تذكري لها ان مباريات الهلال والنصر ذيك الايام كان فيها تناااافس شديد وتحدي كبيررر وكان النصر فايز 3-2 وفي آخر المباراة سجل للهلال لاعبه عبدالرحمن بشير-الغول- " رحمه الله " سجل هدف التعادل برأسه من ضربه ركنيه .... وكان الهدف في المرمى الجنوبي ومكان الضربه الركنيه هو من جهة مدرجات الدرجه الاولى....... وكاااااان هدف قاتل في نهاية المباراة... علشان كذا ماراح انسى هالهدف وهالمباراة.

الثانية هي مباراة الهلال والرائد 1410هـ أو 1411هـ - التواريخ انا من جنبها ;) - وكانت هالمباراة هي آخر مباراة رسميه يلعبها الكابتن صالح النعيمه مع الفريق، وفي الشوط الثاني ومن بدايته كان الجمهور - وانا واحد منهم - يردد

[gl]لا تعتزل يبو فهد .. لا .. لا......لا تعتزل يبو فهد .. لا .. لا [/gl]

وكان الهلال يسجل اهداف... والجمهور ماهمه الاهداف ولا المباراة ومستمر في الترديد
كانت لحظه صعبه علينا كجمهووور وايضا صعبه على صالح النعيمه اللي اتوقع لحظتها فقد تركيزه على المباراة والكوره.

آآآآآآآآه حلوه الذكريات

عطونا اللي عندكم لاهنتوا

وسلااااااااااااااااااام