السلام عليكم..
قصيدة أعزي بها نفسي والشعب الهلالي والدوري السعودي بشكل خاص
والكرة الخليجية والعربية عامة على إعتزال اللاعب الأسطوري سامي..
وقد سبق لي ان انزلتها بالمنتديات قبل اشهر عندما المح للإعتزال هذه السنة..
ولكن تخليدا لذكرى الإعتزال اردت ان اضعها بين ايديكم..
ودمتم في رعاية الله..
قل للرياضة عقب سامي سلامي
كان اعتزل ياكبرها من خساره
مـافيـه غيـره يستحق احترامـي
ومـافيـه غيـره قـدوة بالشطـاره
مـجده يزيـد ودايـم فــي تنـامــي
وغيره يمجد كاس فوقه غبـاره
حـاز الجوايز كـلها والوسامـي
نجـم تعلى واعـتدل في مســاره
قالوا تقارن قلت وصل الغمامي
مـن يوصله سامي بعـيد مـداره
بداخل المـلعب مـايقدر كلامــي
عن وصف ابداعه فنون ومهاره
خصمه على عزه تلين العظامي
وجمهور خصمه فاقع له مراره
نجـم الدفاع صـار نجـم هلامــي
وكم حارس خلاه حارس عماره
هداف حاسـم صانع بالتمامــي
الكاس جابه واعتلى بالصـداره
وخارج الملعب عظيم وعصامي
اخلاق وعلم وذوق معها وقاره
يشهد لك الفيفا كبـير يـاسامــي
خـلدك اسطــورة بجد وجــداره
عين الحسـود جعلها ماتنامــي
ومن كل حاقد قام يقدح شراره
من لامني فيكم ياسامي يلامي
ياكيف يحجب شمسها عن نهاره
وآخر كلامي فيه وآخر مرامي
ياليت سامـي يعتدل عن قـراره
