الله يذكر أيام الدراسة بالخير
أذكر ايام الثانوي يوم كنت في ثالث كنا شلة في الفصل راجين المدرسة رج ومسوين قلق وبالفسحة كان لنا مكان خاص نفطر فيه ولااحد يهوب ناحيتنا
المهم مرة من المراريت رجعنا للفصل العيال سبقوني وانا تأخرت شوي
دخلت متأخر ومدرس المادة مو موجود
وألقى واحد واقف عند السبورة وملقي الفصل ظهره وقاعد يكتب
المهم انا مسكته مع ظهره واشيله وامحط به واشيله وامحط به والعيال فاقعين ظحك
وانا مبسوووط انا وخشتي
يوم تعبت وانزله
وادقق في الوجه والاه موب خوينا الي في بالي
من صار؟؟؟
صار مدرس جديد توه متعين عندنا
ومن يومها وانا مستنر في غرفة الوكيل لين فرجها الله علي وطلعت بتعهد وانذار وخصم من المواظبة وستر الله ماخصموا من السلوك كان رايح في خرايطها