السلام عليكم ..!
الموضوع خيالي ...!
ويهدف الى التسلية مو أكثر ..........!

[c]**************************************************************************************************** **[/c]

الفيروسة : الو الملكه اخبارك
الملكه : هلا وينك يا ام العمايل هاهاها
الفيروسة : اسكتي بس يا العليميه
الملكه : انا العليميه يالي ما تمر جنبك زباله الا صاقعتها حتى صدام موترك صار اصفر من الزبايل
الفيروسة : اقول انثبري بس ... هاه تخاويني؟
الملكه : على وين انشالله
الفيروسة : بروح اغير كفرات موتري
الملكه : يوووه توك مغيرتها من شهر
الفيروسة : عيون القطط لعبت في كفراتي ... هاه بس تخاويني ترى بمرك بعد صلاه العصر
الملكه : اوكي بنتظرك
.
.

الفيروسة بموترها : طاط طاط طاط
الملكه توها طالعه من بيتهم : وشفيك ازعجتي الجيران
الفيروسة : اركبي بسرعه وراي مشاوير اليوم عجلي
الملكه : فيذا بنشر جنب بيتنا
الفيروسة : لا بروح لشارع الغرابي احسن
الملكه : ياحبك للمشوره
الفيروسة : وش وراي وبعدين انا شاريه السياره ليش
.
بعد ما وصلوا للبنشر وغيرت الفيروسة الكفرات

الفيروسة : ودي اروح لطريق ديراب امس بالموتر ابي اجرب الكفرات
الملكه : اسكتي بس بعد حادثي الي جاني على طريق الشرقيه وانا صرت اخاف من الخطوط
الفيروسة : وشرايك نمر العنود وهلاليةوللابد ونروح لكفي شوب؟
الملكه : هلاليةوللابد طلعت موتر وكاله تعالي نروح لبيتهم
.
.

بعد ما وصلوا لبيت هلاليةوللابد
الفيروسة : على البركه الموتر الجديد
هلاليةوللابد : الله يبارك فيك يا وخيتي
الفيروسة : عاد ليه مخليته بغباره يا القرويه غسليه
هلاليةوللابد: ايه انا ادور احد يوصلني للمغسله ويرجعني
الفيروسة : بس كذا انتي تامرين امر <<< ياحبها لدوران
الملكه كانت تسولف مع وحده مره بسيارتها جنب بيت هلاليةوللابد
.
.
.
بعد ما غسلوا السياره

الفيروسة : هاه هلالية تقاومين بالمواتر؟
هلاليةوللابد : ليش تبين تفشلين نفسك هاهاها
الفيروسة: تتحدين يعني ؟
هلاليةوللابد : طيري هناك بس
الفيروسة : بنشوف من بيطوف على الثاني
هلاليةوللابد : خلاص من اشاره العروبه لحد اشاره الثلاثين
الملكه: فكوني بس نزلوني باخذ لموزين
الفيروسة : انثبري بس ابيك تشهدين علينا
.
.
بدأ التحدي
.
.
الفيروسة دعست بالنزين الا وموترها ينتع بس سرعان ما سيطرت على الوضع
اما هلاليةوللابد موترها تماتيك ما يمديه ينتع
الفيروسة سقطت يمين الا وباص مكتوب عليه العليا دله في وجها بس عدلت الطاره وسقطت يسار
هلاليةوللابد خايفه على الموتر بعد ما شافت الفيروسة في وجها هدت
.
.
وطبعا كل الأشارات قطعوها ولا في شايب مرو من جنبه الا ودعا عليهم
.
.
الفيروسة بعد ما وصلت لأشاره الثلاثين معاد قدرت تتحكم بالموتر بس ذبت الطاره يسار على شارع الثلاثين ولا تدري الا بلموزين ساقط عليها ييمين بيركب زباين
حاولت حالوت بعد عنه وذبت الموتر يسار ثم عدلته يمين الا وهي داخله بموترها في قزاز

هلاليةوللابد خافت على موترها وهي الحين عند اشاره التحليه

الملكه على اعصابها من بدا التحدي

جت دوريه وفيها عسكريه رقيب وركبت الفيروسة في الدوريه وراحوا لتوقيف الناصريه بعد ما خذت مخالفه قطع اشاره واستعمال كوابح

الفيروسة دقت على الملكه : الملكه تعرفين واسطه في الناصريه؟
الملكه : اخت خالت زوجه اخوي ملازم في الناصريه
الفيروسة : ما ينفع ملازم .... تعرفين عقيد
الملكه : ابدق على هلاليةوللابد اكيد انها تخبر احد
الفيروسة : لالالا الا هلاليةوللابد لا تقولين لها
.
.
وبعد محاولات مريره لتطليع الفيروسة من التوقيف راح الوقت كله في اتصالات وخسرت الفيروسة والملكه فواتير جوال بس ما طلعت الفيروسة الا بعد ابعه وعشرين ساعه
.
.
الفيروسة توها طالعه من التوقيف ومرتها الملكه وشهد الدلوعة علشان ياخذونها الا وهلاليةوللابد لاحقتهم
شهد الدلوعة والملكه بصوت واحد : انشالله سلامات
الفيروسة : جعلكم ما تدخلون التوقيف مايه الا خياس ولا نمت من امس جنبي بنات يلعبون بلوت ولا فيه الا طقاق وتحدي

هلاليةوللابد جتهم تشربك بالبواري : الي مهووب قد التحدي لا يتحدى هاهاها
الفيروسة وهي منقهره : احمدي ربك رحمتك بغيت احدك واخليك تصقعين بسياره الزباله بس رحمتك انتي وموتر الجديد


هلاليةوللابد : هاهاها وانتي صقعتي بمحل قزاز ليه كنتي تبين تشترين عطر هاهاها


الفيروسة منقهره و واصله معها : اقول انطمي لا يجيك قوطي على خشتك
هلاليةوللابد : انطمي انتي يا العليميه هاهاها
الفيروسة خذت قوطي بيبسي توها شاريته ولا فتحته وخمته على وجه هلاليةوللابد
هلاليةوللابد فتحت شنطت السياره وخذت العفريته تبي تخمع الفيروسة على راسها
تجمعوا شباب وفكوهم
.
.
ام الفيروسة خذت مفتاح السياره منها وصارت ما تروح لمشوار الا بلموزين ولا تدق على شهد الدلوعة ولا الملكه يوصلونها وبعد فتره جابت ام الفيروسة سواق للبيت وصار يودي الفيروسة ويجيبها


الفيروسة بحسره : رجعت ايام التسعينيات و الثمانينيات وصار السواق هو الي يوديني ويجيبني


هذا الكلام مجرد تخيل لو صاروا البنات يسوقون هاهاهاهاهاها

وشرايكم بالسالفه ..

قولوا لي ...



[c]**************************************************************************************************** **[/c]

الموضوع بالكامل للأخ
~¤®§][©] عـــاشــق الـــورد ][©][§®¤~
منتديات-التمياط ..!
وانا غيرت الشخصيات بس ! لأتمنى ان يعذرني على هذا ...!
وتراه موجود بينكم ولو يشارك كان اكل الجو عالجميع !