أخوي أساامه
أحترم رأيك بخصوص فهد المفرج
لكن اللاعب له أكثر من عشر سنوات وهو ماسك مركزه بالدفاع
يعني معقوله الهلال ماجاه مدافعين مميزين
خلي المفرج يعتزل مع ان هذه بعيده لكن نفرض لو أعتزل بتشوف مُدافعين على مستوى عالي بالهلال وراح تشوفهم بالمنتخب
وانا لا اتكلم عن المرشدي علشان ماتقول اني أريد المرشدي أساسي أنتقدت المفرج
لا والله تهمني مصلحه الهلال أولاّ
لكن انت تبينا بالقوه نقتنع بمُدافع مايعرف يركض اللاعب المٌدافع يبي له سرعه وأرتقاء بالرس وصلابه بالدفاع
هل هذه الصفات موجوده بالمفرج
طيب خلني اقولك أيهم أفضل المفرج أو عبدربه حق الأهلي راح تقول 100% عبدربه
طيب الدوسري حق الشباب أو المفرج أكيد الدوسري طيب حق الأتحاد المنتشري أكيد المنتشري
وحتى الأتفاق العمري والوحده هوساوي كل هذولا أفضل من المفرج وهم بأنديه أصغر من الهلال
طيب ماقلت ليش السبب لأن المفرج ماسك خانه الفداع ومافي أمل تتطور بوجوده
والله العاقل بيفهم وع فكره والله أحنا نتابع المفرج لنا 12 سنه ونعرفه زين مو تقعد تعد لي المدربين اللي خلوا المفرج أساسي
لأنه لايوجد مُدافعين أحتياط بدل المفرج والهلال كله مافيه مُدافعين مدري وش السبب كل ماصعدوا لاعب كم شهر ونسقوه
والمفرج ثابت والبقيه متحركون
ع العموم سامحوني ع الأطاله
لكن شقتك يـأسامه مطول قلت بندردش معك
وأختلاف الرأي لا يفسد للود قضيه