| وهذا الجزء الثالث عشر 0
اصبح الصبح وتوكل خالد على الله وكله امل بهذا المشعوذ ان يحل مشكلته ونسى
خالد بان الامل بيد الله ولا راد لقضائه ..... ووصل خالد الى المشعوذ ...
خالد : اسمع يامطوع تراني هاذي اخر مره اجيك فيها واتمنى انك ماتردني خايب
المشعوذ : ياخالد انا بحاول مره ثانيه معاه واذا مافاد برد لك فلوسك
واثناء كلام خالد مع المشعوذ ... اذ بطرق على الباب ... فتح المشعوذ الباب ...
وياللصدفه ... من خال نوره وام نوره ودانه .... وقف خالد مستغرب من جيتهم
قسأل خال نوره وهو يراقب دانه التي اعوج وجهها الى الناحيه الثانيه من الحزن
خالد : وش السالفه ياعمتي وش بلاها دانه
ام نوره : والله ماندري ياخالد عقب مارحت انت وهي على هالحال
خالد : والمستشفى ماقدروا يعملون لها شي
ام نوره : المستشفى ماعندهم الا اعصاب واعصاب وبس
المشعوذ : تعالي يا دانه واجلسي عند النار خليني احط العود
وتقربت دانه من النار واشعل المشعوذ العود والبخور وتطاير الدخان في كل مكان
حتى ملء الغرفه ... وهنا قال المشعوذ .....
المشعوذ : خالد مع خال نوره لو سمحتوا اطلعوا برع ,,, تعجب خالد من كلام المشعوذ فخرج مع خال نوره
المشعوذ يا ام نوره ترى علة بنتك في الحب وهي اتحب خالد .... تعجبت ام نوره من
كلام المشعوذ ... ولا تعلم ماذا تقول فاخذت تنظر الى دانه .....
الام : وش هالكلام صحيح يادانه
لم تنطق دانه .... ولكن المشعوذ اكد ذالك وقد اعطاها حجاب وقال لها اجعليها
تغسل به وجهها كل يوم لمدة ثلاثة ايام ... وهنا خرجت ام نوره وهي تنظر الى خالد
باستغراب ... فحس خال بنظرات عمته التى فيها كثير من الكلام ....
ودخل خالد الى المشعوذ فسأله عن سبب دانه ...
المشعوذ : شوف ياخالد انا قلت لك اني ارتحت لك وباقول لك الصراحه
خالد : تكفى قول لي وش بلاها اختى دانه
المشعوذ : ترى دانه تحبك ومتولعه فيك ياخالد
... استغرب خالد وكانه يقول استخف هالمطوع ....
خالد: صاحي انت ولا تضحك معاي
المشعوذ : والله ياخالد انا قلت لك الصج وانت حر صدقت ولا لاء
خالد : خلنا من دانه الحين وقل لي وش العمل مع ابو نوره
المشعوذ : انا بسافر بكره للبحرين وهناك عند ربع وباخذ منهم غرض ويمكن اكون
هناك ثلاث او اربع ايام ... وانت تعال لي الاسبوع الجاي
وترك خالد المشعوذ ... وهو يفكر في كلامه عن دانه ... حتى وصل الفندق ليرتاح
وهنا انفردت الام بدانه ......
الام : صحيح كلام المطوع يادانه
دانه : تبكي وتهز راسها ... وكان الدنيا وقعت على راس الام التي لاتعلم ماذا تعمل
فان مشاكل بناتها ازدادت على راسها .... وسالتها
الام : ومن متى وانت اتحبين خالد
دانه : من طب البيت يوم كان خاطب لامل وقلبي متولع فيه
الام : وانت ماتستحين تحبين خطيب اختك
دانه : يايمه حرام عليك انا كنت بعيده عنه وعمري ماكلمته ويوم ترك امل قلبي
ارتاح ويوم انه رجع ويبغي نوره ... فهذا شي مايتحمله قلبي اللي يحب وحبه
سراب ... ماذا تقول الام ... وعقلها يفكر في هذه المشاكل واخذت تلعن ابو نوره الذي
تركهم ولا يسال عنهم او يعلم ماهي طلباتهم او مشاكلهم
***********
وللجروح بقيه 0  | 