السلام عليكم
°• ҳҲҳ •° لقيماااات لذيذه °• ҳҲҳ •°
نجييي للمقادير والطريقه :
2كوب ماء دافئ نصبه في الوعاء المتوسط ونحط عليه 2ملعقه كبيره خميره
نص ملعقه صغيره بكينج باودر هذا أذا بغيتها شوي يابسه غير كذا حط ربع ملعقه صغيره شويه ملح وسكر
وشويه زعفران مطحون نحركهم زين مازين نجي ألحين للطحين نحط 2كوب ونعجنه باليــد
حتي تصير عجينه قابله للصب ويمكن أضافه شويه مويه على حسب ذوقك أذا حبيتها سايله
أكثر ونتركها تختمر لمده نص ساعه وهاذي صورتها
وبعد ماتتخمــر نــبــدا نقليها بالزيت
(( العجينه سايله فـ خذ بروس أصابعك مقدرا معين وبسيط وحطه ع الزيت ولاتنسى تنتبه للزيت لايكون حار مره ولا بارد ))
كون حريص على التقليب المستمر حتى يصير لونها مثل الصوره
وبعديـــنــــ تطلعها
وتضيف الي تحبه شيــره او عســـل
وهذا الشكل النهائي وبالعافيه
الشيـــره ..::
سهلة التحضير ::
نصف كوب مويه
كوب سكر
تحركها حتى تغلي وإذا غلت تقصر النار شويه وتستمر بالتحريك حتى تتماسك ولاتنسى شريحة ليمونه تضعها مع الماء والسكر
وإذا خلاص حسيتها تماسكت
حطها بمكان حتى تبرد شويه وحط عليها نص الغطاء ماء زهر إذا حبيت يعني موب لازم
======
وفـي طرق كثيره ومختلفه لعمل اللقيمات
مثــلا
لقيمااات مقرمشه من برى وفاضيه من جوه
المقادير :
2كاس طحين
2بيضه
1كاس ماء
ملعقه كبيره خميره
ذره ملح
ذره سكر
الطريقه :
تعجنها في العجانه تقريبا عشر دقايق
واذا ماكان عندك عجانه بيدك بس كثر العجن عليها شوي تقريبا خمس دقايق
وتتركها تختمر (يعني يكبر حجمها )
بعد ماتختمر تضع عليها علبه زبادي وتعجنها بالعجانه شوي او بيدك بس عجن مزبووط
وتخليها تختمر واذا اختمرت صبها في الزيت
وانتبه لحراره الزيت لا يكووون حااار مره عشانها بتتشقر من برى ولا تستوي من جوى
الحل انك تشب على مقلاة الزيت وتقصر النار عليها الى ان تحس ان الزيت صار حامي
خذ من العجينه قطعه صغيره وحطها في الزيت الى رقت لفوق معناها ان الزيت جاهز لقلي اللقيمات
اما اذا صارت نازله تحت فالزيت بارد ما بعد صار جاهز للقلي
-------------- ومثل ماسبق دلعها بالعسل او الشيره 
وصحتين وعافيه
السمبوسه بنزل عنها عدة طرق لتحضيرها وغيرها من أكلات لرمضان وسهله إن شاءالله
××××××
