نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - «¤¶` رئة المجلس " الكناري الأزرق" ضيفاً على "حياة @ نت" `¶¤»

الكناري الأزرق · #28 10/08/2007, 12:04 AM

السلام عليكم و رحمة الله و بركاته ..

المنتدى الاستشاري.. الله يعطيكم العافية على المجهود المبذول.. و شهادتي فيكم مجروحه.. <---- حط عليها كالونيا

بسم الله خل نبدأ نفصفص الردود.. يا جماعة الخير احب الفصفص بجميع انواعه حتى حق البغبغاء احبه الا نوع واحد يقاله فصفصة الردود

نور الشمس

إقتباس


	السلام عليكم ورحمة الله وبركاته ..

و عليكم السلام و رحمة الله و بركاته ..

نور الشمس وجع مركبة زينون اعميتنا بالاشعه حقك

.. و بعدين شوي شوي علينا وش هالحر لو احط عجينة بالشارع صارت رغيف

.. حشا صرتي فرن

..
بعيدا عن مصالتي عيني عليك بارده صراحه..اثبتي نفسك بالمجلس بفتره قياسيه..و ترا متابعين لردودك..

إقتباس


	ابو عبدالله لقد لاحظنا قلة مشاركتك في الاونة الاخيرة ياترى مالسبب في ذلك ؟؟.. قبل مدة كنت تكتب موضوع بليلة الاختبار والحين ماتنشاف الا نادرا ،،نتمنى عودتك كما عرفناك انتبه لعدد مشاركاتك ترا منافسك الوحيد ادارة نقل المباريات ماشاء الله تعدتك الحق على عمرك ترا بينكم ثمان مية مشاركة يمديك تاصل

معك حق فيه قلة بالمشاركات..بالمجلس اي موضوع ترد عليه يحطون قدامه علامة صح..اول كانت كل المواضيع بالصفحة عليها علامة صح..لدرجة اني اشك بعض الاحيان ان المتصفح عندي ورقة دافور مضيعه طريقها

اما الان المتصفح فاضي..تسنه ورقتي بإختبار العنجليزي

.. و السبب ما اعلم صراحة..اعتقد انه تشبع من الردود..
او عين حسود

.. بالنهاية .. بإذن الله سوف اعود.. <--- بذمتكم موب حرام اجيب العيد بمواد اللغة العربية

؟

بالنسبة لادارة نقل المباريات..ياخي عندها وسائل غير شرعيه كل ردودها مشكور

.. و ان كنت تبين الصدز..
فاللي حاطني بجيبه عضو بالعالمية اسمها s7efa مشاركاته 27 الف..ياهو منسم ذاك الرجال

..

نور الشمس..منوره الموضوع بأشعتك..

ريري هيكتور..فيّاض..بإنتظار هالخشش السفره..

ماجد مقبل أقبل أقبل وسع انت وياه لا بطراق

..

هلا بالاديب الداج الخروف..ياخي يقولون الحب اعمى اجل وش لون احبك انت و خشك

..

إقتباس


	هلا وغلا برئة المنتدى وروح الفريق ودينمو الوسط ..

انا رئة المنتدى..اممممممم طيب بما اني انسان نذل ماني متنفس خمس دقايق خل الشيبان يتورطون

..

إقتباس


	بصراحة استمعت مع المشرف المستقيل الكناري الأزرق (( خرابيط ))

بيني و بينك قلت اطلع بكرامك قبل لا يطردونك..المشرف العام لمح لي مية و ستين مره بالماسنجر اني مقصر

..

إقتباس


	ماشاء الله حياة نتيه جميلة بس زي عادة ابو كناري لازم يشطح برا الموضوع

انا مشهور بالشطح..و انت مشهور بالنطح.. يا خروف

..

إقتباس


	بس قسم بالله شطحاته أحلى شطحات شفتها في حياتي ..

و لا تهون نطحاتك

..لعنبوا ابليسك تبري قرونك ببراية انت

؟

إقتباس


	الا عيارتك ابو ......... ؟؟ >>> ملقوف

هو شي تلقاه دايم بمحلات الخضار.. و قريب للبيدجان ولد عمه بالرضاع

..
ابو مقبل..لا عدمنا هالطله..

جولديست

ياله حي هالاطخم.. ياخي دايم اقولها انت انسان كويس لكن مشكلتك ميلاني.. لو تصير مدريدي اسلفك ميتين مشاركة هاه وش قلت ؟

إقتباس


	بس متأكد أنك ما كنت تحوس بهالمواقع ؟؟

انت قلت بالبداية اني انسان بريء..لذا ابسألك بكل براءه اي مواقع

؟

إقتباس


	بصراحة أشوفك قاطع المنتدى الفترة الأخيرة ان شاء الله خير ؟؟

اقرا ردي على نور الشمس..

إقتباس


	بس والله يا ( S7EVA ) حق العالمية حطك بابطه من كثر مشاركاته

بإبطه مره وحده!! قل بجيبه شي موب بابطه الله يحوم تسبدك

.. ذا شكله ما عمره تروش اربع و عشرين ساعه ردود موب فاضي

إقتباس


	لو أنا منك كان أطلع من البيت بدون ما أغسل

يا رجال..من متى و انا اغسل اصلا

..
منور يالاطخم ..

دكتوره سوير

إقتباس


	السلام عليكمـ ..,,

و عليكم السلام و رحمة الله و بركاته..
هلا سوير..قريتي ستين كتاب و لا لا ؟ ما شاء الله عليك.. انا على قولة ليو ميسي ان قريت ستين صفحة زين

..

إقتباس


	ويعجبني انه انسان يوسع الصدر من اول ما تشوفه .. واحس والله اعلم أنه راقي جداً .. بتعاملة , بكلامه , بأسلوبه مع الكل ...,,

ههههههههه..
ضحكتين و انا ما ودي اضحك.. انا انسان راقي .. دقيقه ابضحك هههههههههه.. خليتيني احس اني اهلاوي.. يسموني الراقي و انا اكبر داج

..

إقتباس


	في شيء ودي اقوله للكناري ..: أنه يظل على الاسلوب الخطير هذا الضحك والفرفشه تكون وقتها .. والجد يكون بوقته .., مو طول الوقت ضحك ضحك ضحك .. واظن الكناري يمشي بهالأسلوب الرائع بعنف ..

العنف مهوب زين..<--- تو البنية تقولك خلك بهالاسلوب وقت الجد جد و الضحك ضحك و الان تصدمها

..

إقتباس


	وللأمانة مافي واحد يضحك بالشبكة كلها ويعجبني ضحكه غير هالمسيكين الباقين ما تعجبني طريقتهم وتمر من عندي مرور الكرام .. أحسها طرق تقليدية مُملة ..!

فيه اعضاء كثيرين احسن من الكناري الازرق.. و انا اتصنع خفة الدم للمعلومية.. و ما اوافقك بالراي فيه اعضاء كتاباتهم تعجبني ..
منوره دكتوره سوير..

+++++++++

الباقين اكمل بعدين .. تعبت و ياما قلت اللياقه الله بالخير..

سلام عليكم ..