| أخوي اسمح لي أخالفك الرأي
أنا من المؤيدين لانتقال ياسر بدون قيود واشوف ان نظرتك للمنفعة من ناحية مادية بحتة نظرة قاصرة وخاطئة
انت عزيزي لو كان راتبك في الجبيل مثلا 20 الف وانتقلت لعمل في القصيم علشان تصير حول اهلك براتب 12 الف هل تعتبر قرارك خاطئ؟ لو قارنا بنفس طريقتك نعم هو خاطئ..... لكن انت في قرارك دخلت اعتبارات وفوائد أخرى غير المال وهي اللي رجحت انتقالك للقصيم
تخيل سعودي مبدع في الحاسب الآلي يجيه عرض يشتغل في أرامكو كدعم فني ب15 الف ريال وعرض من قسم البرمجيات في مايكروسوفت بأمريكا براتب أقل من هذا.... بمنطقك بيروح لأرامكو لكن لو نظر لها كاستثمار بعيد المدى بيروح لمايكروسوفت
لان خبرة البرمجة اللي بيكتسبها اكبر بكثير وقيمته بعد كذا راح تصير أعلى
هذا بالضبط حال ياسر.... لو راح لنادي في الدرجة الاولى في اوروبا ولو بمبلغ مو كبير وتألق راح تنفتح له فرص عروض أفضل ويرتفع سعره.... في حين لو قعد في الهلال ما راح يجيه عرض مرتفع أبدا.....
شوف اللاعبين الافارقة والبرازيليين وكيف انتقلوا في بداياتهم لاندية بمبالغ محدودة ووصلت اسعارهم الحين لارقام خيالية
الموضوع ما يبيله عزة نفس وحصان وسيف وحنا العرب حنا..... لأن هذا اللي رجعنا ورى
مع احترامي لرأيك  | 