|
الحقوووا لايفوتكم شوفوا اللي سوى بمحل ابو ريالين...
بسم الله الرحمن الرحيم
7
7
7
واخيرا انا بالمنتدى
علــي ديـــن لزوم اوفيــــــه منذ مبطـي <<لاني عضوه جديده لازم اوريكم كوشختي شوي
طبعــا لطشـــت موضوع<<هذا اللي فالحه فيه اللطش بس يالله العوض ولا القطيعه
قلت اكشـــخ فيــــــه هنـــا
كل الشكرلكاتب الموضوع
موقف حصل مع شــاب في محلات بو ريالين
/
/
/
امس بعد صلاة العشاء تقريبآ عطتني أختي 25 ريال وقالت جب مناكير لونه موفي ...
ومن سوء حظ أختي العزيزة إني اليوم مطفر وقلت بلا ماركات بلا هم أروح لمحل
أبو ريالين واشتريلها من هناك وتحمد الله وتشكره
<< الولد مخطط على 23 ريال الي بتبقى وبيسرقها<<انواع الحراميه هنا
وصلت للمحل وللأسف مالقيت موقف لسيارتي الا بحدود مشي عشر دقايق رجلية
وتفاجئت يوم وصلت للمحل صاحب المحل
((
المهم لقيته واقف بالبوابه ومنعني من الدخول يقول الدخول للعوائل فقط 
لاحول ولا قوه إلا بالله حتى محل أبو ريالين صار للعوائل بعد ؟!
يابن الحلال كلها دقيقتين بشتري مناكير وابطلع وصاحب المحل مافيه امل يوافق
وناظرته بعين حارة وقلت والله ماينفع لك الا حركة من حركات الفيصلية
وقفت عند الباب لين ماوقف جمس ونزل عشر حريم معهم شنطه بها ترامس شاهي وقهوة
ومعهم فراش وعربيه يدفون بها بزر تحلفون بالله إنهم رايحين لستار ستي مهوب محل ابو ريالين <<قاشين ماوراهم ودونهم
مشيت جنب البزر وامه تدفه بالعربية ويوم وصلنا للباب نزلت راسي
وبديت ألعب مع البزر إغااااااااااء وأناظر أمه وأقوله أنتي جايبتن رضاعته؟<<لازم يتليقف شوي
وصاحب المحل يقول أيووووه ياخخخي من الأول جيب أهلك طبعآ مع الربشه
وشدة الزحمة ماقدرت الأم تسوي شي وأنا الي اشوف الأم تناظر شنطتها
وتناظر راسي تناظر شنطتها وتناظر راسي عاد طلعت ريال وحطيته بعربية البزر
عن قولة شكرآ اخاف اقول لها شكرا وتشكرني هي بالشنطة ..>>ابشركم انطبقت الحيله ودخلنا محل ابو ريالين...
أول مادخلت المحل فقدت الاتصال بالعالم الخارجي لأني اول مره اشوف زحمة زي كذا
هذي تسحب شماغي؟ وهذي تدف؟ وهذي تقول وخخخر لو سمحت ثم مادري الا وهي شايتتني بووووووز ولاني في قريح
آخر شي قامو يوطوني ؟ توي ادري ان السعوديات جلوووف
مشيت بالمحل بعد معاناة وكل من شفته سألته وين احصل قسم المناكير ومشيت
لين شفت لي وحده فاتشة لفت انتباهي المنظر وتعلثمت بهالسؤال بعد
ماتنحنحت طبعا لو سمحتي وين القى المناكير فيه؟ وعينك ماتسمع الا يامناحي يامحماس تناديهم ؟!
وماتشوفون الا غباري والى ساعة اعداد وكتابه هذا الموضوع وانا ضايقن صدري ودي ادري وش جالسه تسوي ؟
المهم مشيت لين وصلت لمكان مزحوم بالمره حتى شكيت من صراخهم والزحمه اني بشارع الشانزليزيه مهوب بمحل ابو ريالين
هذي تصارخ على صاحب المحل وتقوله قايلتلك أبي عشر درازن من دفتر ابو ستين وينها؟
ووحده ثانيه تقول بصوت عالي الله أكبر الله أكبر استغربت انا وقلت اكيد فيها بلى ذي ويوم قربت لها
سمعتها تقول توني حاطة بجنبي درزن دفاتر أبو وجه ووجه من اللي أخذه << ماطيحت قلبه ابد
طبعا طلع المكان هذا مخصص للادوات المدرسيه وقتها حمدت ربي وقلت اشوى ان اختي تبي مناكير ماتبي دفاتر 
مشيت أدور عن المناكير وفجاة مسكت ايدي عجوز وقالت الله يوفقك ويخليك لميمك طبعاً انطقوها بسرعه عشان تضبط معكم
عشان تطلع معاكم الكلمه بالنجديه هههههههههههه ساعدني
باغراضي وصلها للمحاسب قلت لها تامرين امر وحبيت راسها تقدير واحترام ويوم
شفت العفش اللي هي مجمعته بزاويه قلت لها والله لو تعطين هندي 500 ريال ماشالها لك
ماخلت شي ماشرته ؟
قالت تعال واعطيك اللي تبي قلت والله لو تقولين لي وين مكان المناكير ماشلتها لك..
>>بلاكممممم ماششفتووو حوستهاااا ياليتني شايفتها فاااااتت علي
المهم مشيت وخليتها لين وصلت لآخر المحل وحصلت قسم مافيه ناس كثير
وحصلت لي شاب مرسم يناظر مجموعة ورود اعجبتني رومانسيته وسألته عن المناكير
قال انا مشغول استغربت مشغول وحسيت انه مرتبك
واثاريه جالس يرسـم لزوم المغــازل (حتى في ابو ريالين)غزل
المهم مشى لم البنات ومشيت وراه لين تقابلوا ويسلم عليها كيفك ياحلوه؟ وهي بخير مير الله يسلمك
وقبل لا يعطيها الورده دخلت بينهم وقلت له لو سمحت ماتدري وين احصل المناكير فيه ؟
..>>هههههههههههههههه قوووووة وجهه كأني اشوفه وده يعطيه طرااااااق
قال تراك اشغلتنا قلت له بس انا مظطر ارجوك ساعدني قال اوكي بس انتظرني بعد شوي لين اجيك <<ايييييه هين
رفضت وقلت له انا مستعجل قال خذ 20 ريال اطلع من محل ابو ريالين واشتر من محل غير هذا
على باله يبي الفكه قلت له انا أبي عشر علب مناكير مهوب وحده
قال مهيب مشكلة خذ 200 بس فكنا خخخخخخخخخخخخخخخ اخذت الفلوس واول مطوع بالهيئه
شفته عند الباب خليته يمسكهم متلبسين
>>نذاله..ماشفتوووشيء..
ومالقاها الا اختي جبت لها ثلاث علب مناكير من زود الفسقه هههههه
م
ن
ق
و
ل
بس مع زيادة قرقعه شوي من عندي وبعضا من التعليقات
همســه 000
للبنــات ترى المناكير مفيده بالصحــه خصوصا اذا اخوك محتاج للريــال <<انواع النذاله هنا
على فكره يقولون بالراشد والفيصليه والمملكه في دراسه لاانشاء فرروع لاابو ريالين
هالحين كيس الرز غلأ علشان يستفيدون التجــار
يعني ماتبون هالمجمعات تستفيد بعــد << هالمواطنين بس يتشكون كل شيء غالي بطلو من الرز ترى السمنه شينه هع هع هع
وبعد يقولون بعد يومين بيطبقون نظام سياقة السياره للمراه بالسعوديه << مدري وش جابها براسي هالفكره
يقولون اذا حبيت تسوي اشاعه لزوم تكون كبيره علشان تأخذ صدى هههههه
اخيرا00
لاتصدقن كثيـــر مافيه سياقــه ولاغيره << خافت من دعوة مظلومــه تروح شوربة ماجي قصدي شربة مويه خخخخخ
ادري الموضوع حوســه بس قلت لزوم الكشخــه
قلت اكتب كل اللي براسي << بس بالله وشرايكم بافكــاري من يومي نابغــه بس مااحد تبناني
وعساها لطشه موفقه وحليوه ابي ردودكم باسرع مايكون<<بعد طراره وتبي شبح
دمتــ بالمسرات ـــم  | 