نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - بيجر وشغاله ولكزس مهرك يكشخ على حسابي ... (معصي)

جنتلمان · #1 02/09/2002, 03:07 AM

مساكم او صبحكم الله بالخير ..

كل ماجا الواحد منا يالشباب يعرس يالله يلقى له بنيه نص لفه

<--- يعني على قد دراهمه ..مهوب معنى أنك لقيت وحده على قد فليساتك ابوها مايتشرط الا يوقف لك في بلعومك بطلباته وكل شي كوم والمهر اللي طلبه كوم يقص ظهر البعير وشلون أنت يالضعيف:sad: .. واذا صارت البنت موظفه بيدبل لك السعر للضعف اقصد المهر <---- صارت غنمه مهيب حرمه

اذا هي سليمه رفعوا عليك السعر واذا هي عرجاء والا عوراء خذها بنص حقها

..

كلنا نعرف عدد العوانس هنا في السعوديه تعدى المليونين بنت

وكله من تصرفات الاباء <-- لاتفوتكم الاباء مايقولها الا اللي شارب اللغه العربيه على فكة الريق

..

في ذا الموضوع لازم نشوف حل لعنوسه بنات المنتدى

عندنا خير في ذا ثم نوسع الشغله على حدود المنتديات السعوديه <------ ووووع من اللي بيعرس على اتحاديه

انا مستعد أعنس ولا اعرس على اتحاديه

<<--------- ياغبي أنت ماتعنس البنات بس هم اللي يعنسون

يكون المهر على عدد مشاركاتها كل مشاركه بريال

..
اذا عدد مشاركاتها 120 مهرها يصير 120 ريال

<--- يا زين الرخص أرخص من أشتراك الاوربت

.. واذا عدد مشاركاتها 1000 بتصير أغلى من أشتراك الارتي بـ489 ريال

.. واذا مشاركاتها تعدت الالفين والله بتمسط ظهرك هي أغلى من أشتراك الشوتايم علشان تتابع الكالشيو

.. أما أذا مشاركاتها فوق الثلاثة الآلآف هنا بتمص دم قلبك هذي أغلى من الشوتايم والارتي والاوربت مجتمعه

..

بس ماعليه ياشباب تراكم ماتدفعونها الامره وحده في العمر

مهوب مثل الشوتايم والارتي والاوربت لازم تجددون

..

ماتتزوج البنت الا اذا تعدى عدد مشاركاتها الـ500 وغيره مافيه أص أص انتي وياها القانون فوق الجميع اللي فوق 500 مشاركه تقدم لي أوراقها وغيره يتكل على الله يورينا عرض اكتافه

..
وأنتم يالشباب لا يا أحد يجي ويقول أنا متزوج وعندي بزارين طولك أنت وخشتك يالداج

.. الشرع محلل أربع مالكم عذر

..

تلقون البنات ألحين شغالين ردود يبون يرفعون أسعارهم

..

[sound]http://www.kubbar.com/Music/slayyem-mahar_ghali.ram[/sound]

8
8
8
8
8
8
8
8
من أيام العقاريه ويانار شبي يالله المستعان

..

تحياتي للجميـــــــــع ..
الخطّاب .. جنتلمان

..