مشكلة الغالبيه ينشغلون بالآخرين وخصوصياتهم فمثلا الاسئله البايخه وهو يسألك يعرف الجواب واغلبها أشياء لا تخفى

_ ما تخرجت من الجامعه؟ وانت ثالث ترم بالجامعه
_ ما توظفت ؟ وانت ما تميت شهر متخرج
_ ما تزوجت ؟ هذا أغبى سؤال لانه يمكن الانسان وده لكن عنده مشاكل او عاجز ماديا (والسؤال يفتح جروحه )
_ ما جاك عيال ؟ هذا سؤال أغبى من الاول لانه أي واحد يتمنى العيال لكن لاسبابه الخاصه او مشاكل حالت دون الانجاب
وغيـــــره من الاسئــله اللي ترفع الضغط
وأتذكر حادثه قبل شهر على هالموضوع؟ ولد عمي اجهضت زوجته وضايقه فيه الوسيعه وهالحمل جاء بعد 5سنوات وحنا بزواج

ويجي واحد ملقوف يسأله..... يسأل ولد عمي ما جاك عيال؟ ... قال: لا والله ما كتب الله

قال الملقوف: غريبه تخبر خالد تزوج بعدك ومعه ولدين.... قال ولد عمي: الله يوقفه كلن ياخذ نصيبه

قال الملقوف: طيب ما عالجت ما سويت شيء ......... بعد هالكلام ولد عمي صار وجهه أحمر

تدخلت أنا ورديت عليه وقلت ياخي انت وش يخصك عنده عيال ما عنده .... قال : انا بس........

قلت : ولا كلمه الرجال له حياته أنا ماسألته الاسئله اللي انت سألته وانا أقرب الناس له

عذرا ل الاطاله لكن موضوعك شيق ويلامس واقعنا بحذافيره
_