نظرة "الله لا يبلانا" نظرة"وين اهلها عنها" أو أو أو .. كثير من الأشخاص ينقد تصرفات اللي حوله بناء على معطيات وعادات مجتمعه أو مجتمعها هي .. يفرض نظرة بيئته ومجتمعه للتصرفات على كل اللي حوله وبناء على هالنظرة يبدأ يقيم ويفرز الصالح والطالح .. اللبس سواء مجتمعات النساء أو العباة أو لبسها في البيت -وهالموضوع كرهته من كثر الكلام عنه- .. سفر البنت لحالها .. طريقة الحياة .. طريقة تربية الأطفال .. الزواج والتعامل مع الزوج أو الزوجة .. الحياة الأسرية .....إلخ نصادف كثير من الناس اللي يبدا ينقد في هالمواضيع أو غيره بناء على خلفيته هو .. شلون يخلي زوجته تسوي كذا .. أو شلون تسمح لزوجها بهالشي شلون سوت البنت كذا ووين أهلها .. أو وشلون الولد سوا هالشي .. وبعد كل موقف ... تجي عبارة .. "الله لا يبلانا" :::::::::::::::::::::::::::::::::::::::::::::::::::::::::::::::::::::::::: كونك تعودت على نمط معين فهالشي ما يسمح لك أن تفرض أن هذا هو الصح .. ان كانت هذي عاداتك أو تربيت كذا .. فغيرك عاداتهم تختلف .. وما فيه شي واحد هو الصح .. فيه شي أنت تعودت عليه .. نظرتك لفعل معين أنه هو الدين .. فغيرك ينظر نظرة تختلف ومقتنع فيها .. وان كانك تشوف ان نظرتك هي الصح فلا تنسى ان الدين ما يسمح لك تتكلم في اعراض الناس .. في المدينة الوحدة فيه عدة طبقات ومجتمعات فلا تعتقد أن كل الناس عاشوا بنفس طريقتك في الحياة .. وبناء على هالشي لا تصدر الأحكام وانت عايش في حدود ضيقة ونظرتك لتصرفات اللي حولك نظرة ضيقة وما اندمجت مع بيئة تختلف عن بيئتك .. أسمع النقد والاستهزاء من بعض الأشخاص لتصرفات شافها أو سمع فيها .. واضحك منه وعليه وفي نفس الوقت يضيق صدري .. ليه نبغى كل الناس يمشون على نمطنا في الحياة .. ليه نظرتنا ضيقة ولازم نخلي الكل يمشي على حدودنا ومسلماتنا ؟!! في النهاية اللي تنقدهم ما دروا عنك .. ومستمتعين في حياتهم وعايشين فيها .. واللي بيتعب هو انت ياللي تناظر كل اللي حولك بعين النقد والتفحص .. فاتمنى ان هالنوعية يجربون يعيشون حياتهم بدون ما يلتفتون لغيرهم .. ويشوفون هل طعم الحياة تغيير بعدها ولا لا .. ابيات مختاره : صحيح يحز في نفسي .. بعد ذاك الوفا فرقاك ولكن العمر محسوب بأيامك وبأيامي ....................................................... هــــم جـبـرونـي عــلــى ,,, الـــرحــيـل وتـــركــونـي حزيــــن .. جــفــونــي اعـــــوام ومــاســألـو ,,, كــأنـي غـريــب عـنـهــم ..
.........................................................
كل ما ضمت عيوني منكـ طيف يا بعد كل الطيوف
قلت ما مثلكـ على الدنيا وصيف لا حشا مالكـ وصوف,,
.................................................................
تحياتي ^ العنود ^
