الجزء السابع 0
*****************************************
اجتمع العم مع ابو نوره علشان يتناقشون الموضوع وبدا الغضب على وجه الاب
الاب : ياخي اشبيقولون الناس عنا بعدين واكيد نوره هي اللي خربت على امل
علشان تاخذ خالد وانا ادري بان خالد له علاقه مع نوره علشان كذيه خلا امل
العم : يابونوره انت تدري بان خالد رجال ومحترم بس المشكله كانت في امل اللي
انت اكتشفت بانها تلعب من ورا خالد وهذا من حق خالد انه يطلقها
الاب : بس ليش يختار نوره بالذات وهي اخت امل يعني خطيبته الاوليه
العم : يقول لانه يعرفنا زين وهو شارينا ومايحب يروح ويطيح في عائله مايعرفها
فيواجه نفس المشكله
الاب : ياخوي سكر على الموضوع ولاابغي اسمع شي الحين
ومرت الايام ونوره اتصيح على حظها واختها دانه فرحانه لان خالد مابيكون لها
وخالد المسكين متعذب ولاهو ابعارف حل لمشكلته ,,, حتى اتصلت به الام وقالت
الام : خالد تعال وكلم خوال نوره ويمكن يساعدونك
خالد : بشرك الله بالخير ياعمه
واخذ خالد سيارته وانطلق مسرعا الى الكويت لير خوال نوره عسى ان يساعدونه
وبال خالد مشغول في هذه الحكايه كان الدنيا تدور براس خالد ولايعرف اين نهاية
هذه المشكله وبسبب تعنت الاب اصر خالد بانه لن يترك نوره بعد العذاب اللي
شافته من ابوها وهذا خلاه يتحمس اكثر ويحارب علشان قلبه لين ينتصر او ينتهي
قلب خالد بخيبة الامل اللي لازم يواجه فيها الواقع المر ..........
وصل خالد الكويت وراح على طول حق خوال نوره حتى والله انه ماراح الفندق
علشان يرتاح لان راحته في حل المشكله اهم من راحة الجسم
تواجه خالد مع خال نوره وتحدث معه في الموضوع .........
خالد : ياخوي جيتك من طريق بعيد 5 ساعات وانا اسوق علشان اتساعديني وتريح
قلبي تراني من عقبك ماراح اشوف الراحه اذا ماوقفت معاي
خال نوره : افا عليك ياخالد انا لو مااعرفك كان ماقلت حق ام نوره تتصل فيك
علشان تجي واشوف موضوعك مع ابو نوره وانا اعرف انك رجال محترم وان امل
ماهي محترمه ولاتستاهل واحد مثلك
خالد : ارحم الله والديك و ماعليك زود بس ارحم قلبي ياخوي
خال نوره : روح انت الحين الفندق ارتاح وان شاء الله بكره اتصلي بعد صلاة العشا
ومايسير خاطرك الاطيب
وفرح خالد لكلام خال نوره ودعا ربه ان يعجل له بالفرج حتى يرتاح قلبه من اهات
العذاب .. ولكن كيف ينام خالد وهو قلبه كانه على جمر يحتري الخبر من خال نوره
واتصل خال نوره بابوها علشان يشوفه لموضوع خالد وللعلم فان خال نوره يكره
ابوها لانه ترك اخته وخلاها وهجر بيته وبناته ............. وتلاقى خال نوره مع الاب
وتكلموا في الموضوع وقال له خال نوره ...............
*****************
وللجروح بقيه 0




أخوكم : عبدالله العمران