03/08/2007, 08:15 PM
|
| زعيــم فعــال | | تاريخ التسجيل: 16/02/2006 المكان: في نادي الزعيم
مشاركات: 264
| |
ادخل ان شاء الله ماتندم 000
مساء رائع لكل الزعماء <<< لكل اللي يقرأ في المساء وصباح أروع للهلاليين <<< لكل اللي يقرأ في الصباح أكيد فقتم مواضيع سينشي <<< والله من كثرها كلها كم موضوع بس أحب أعرفكم إن إنا أخت سينشي الكبرى <<< احلى يا الكبرى وبما إن سينشي في رحلة علاجية خارج السعودية مع الجدة <<<ادعولها بالشفاء فقلت أكيد إنكم فاقدينه خليني اكتب بداله بس جالسة أفكر أش اكتب ماني عارفة مع العلم إني مدمنة نت بس كقارئة وأول مرة أجرب اكتب <<< يعني لاتشرهون بعد عصر مخي باكتبلكم رحلتنا لأبها يسم الله نبدأ رحنا المطار وركبنا الطيارة <<<من جد وكان ترتيب المقاعد إن إنا وأختي الثانية جنب بعض وجنبنا كرسي فاضي ورانا الوالد وإخواني والوالدة طبعا الوالد ماعجبه الوضع إن أنا وأختي لحالنا فقام بيجلس إخواني مكانا وحنا نجي عندهم طبعا الناس كانوا لسع بيدخلون والمضيفة كل شوي تجلسه عشان يدخلون الناس والوالد الله يهديه كل مالقت وجهها قام , وتجلس تخاصمه طبعا بالانجليزي والوالد مايعرف كلمه من اللي تقوله بس جالس يهز براسه <<< زى الهندي راعي البقالة طبعا الله يعز الوالد المهم دار حوار بعد مادخلوا كل الركاب <<< بصراحة ماكان حوار اسمعوا واحكموا المضيفة : what is problem ? الوالد : Yes المضيفة : It is ok . الوالد : Yes انتهى لقت وجها المضيفة وراحت , قام الوالد وبحركة سريعة بدلنا الأماكن <<< كلها مشتاقة لك ياسينشي وصلنا الحمد لله المطار وأخذنا شقة واليوم اللي بعده صحينا الصباح طبعا بالنصلي بما إني أكبرهم دخلت الأول الحمام <<< الله يكرمكم والي بعدي كان اخوي عمره 12 <<< العمر كله المهم تعرف الواحد أول مايصحى يكون مو مصحصح وهذا كان حال اخوي وطبعا بفضل دروس النذالة <<<< اللي قريتها في منتدى الزعيم بصراحة ماني متذكرة الكاتب <<< اتعلم بسرعة فتحت المويه الحارة وخرجت وجى بعدي اخوي وما اسمع غير الصراخ وخرج وهو يقول إذا في أبها والمويه كذا اجل كنا عايشين في نعيم في بيتنا <<< ما انتبه إن احد اتمنذل فيه ومرت الأيام من دون مواقف تذكر <<< كذابة ليه متقولين انك ضعتي بصراحة مفتشله وحدة عمرها 21 وتضيع قويه خلاص أبغى أحكيم خرجنا من منتزه الحبلة وكان وقتها أمطار وضباب بالقوة تشوف اللي قدامك عاد أنا كنت مع الوالد واخوي الثاني عمرة 12 بس مو هذاك واحد ثاني <<<توضيح هذولا توأم عشان لاتضرب فيوزكم فجأة اختفوا ماني محصله احد قدامي أناظر يمين يسار ابد مافي احد سلمت أمري لله وقلت أدور السيارة عساني ألاقيها بس فين مكانها نسيت <<< صدق إني خبله وجلست أدور سيارة جمس لوحة السيارة 222 تخيلوا بس شكلي وأنا كل مامريت من جمس دنقت عشان أشوف رقم اللوحة الله لايفشلنا وطبعا نص ساعة وأنا أدور بهالمواقف وياكثر السيارات وبعد التعب قررت ارجع للبوابة يمكن أقابلهم وفعلا شفت واحد من إخواني عمري مافرحت إن شفته قد ذيك المرة وصلني السيارة وهو جالس يضحك ولوتدرون فين مكان السيارة ورى سيارة قدام البوابة <<< فهمتها , الله لايعمينا وطبعا مافي احد مادري بهالسالفة وفي يوم فاز المنتخب على اليابان <<< الله لايعودها من مباراة أقولكم القصة بعد شوي خرجنا نشوف التشجيع بعد جهد جهيد لإقناع الوالد خرجنا , طبعا كان حلو كون أول مرة أشوف تشجيع على الطبيعة لكن مالفت نظري سيارة غريبة مرت من جمبنا وكان واحد من اللي مطلعين راسه معاه شجرة وجالس يقول يهوووووووووو أسبوع الشجرة <<< غبااااااااااء  وسط ذهول كل من كان في السيارة هلالية ميلا نية قلي اخوي انك تحبين اليابان وطبعا حكاكم على الموقف اللي في المركز طبعا هالمرة مو مع بنت صغيره لا مع 00000 اسمعوا القصة رحنا سوق عسير مول وكان في رجال يوزع الكروت اللي يكون حاط فيها احد العطور مرينا من عنده وقالي اسمعوا الحوار بس هذا من جد حوار <<<< عجبتها قصت الحوارات الرجال : خذي لو سمحتي عطر نسائي ريحتوا تجنن أخت سينشي : اريغاتوا الرجال : أيش ؟ أخت سينشي : لا شكرا الرجال : تبغين قاتوه , على أمرك ذحين أجبلك بس أنت خذي الكرت أخت : <<< اذيتينا قولي أنا مطولتها وهي قصيرة صدق يبان اللي أول مرة يكتب بالمنديات قتله لا شكرا قتلك شكرا ومشيت وهو ورايه يالله من هالبشه أنا : ياخوي قتلك شكورا وشفيك ماشي ورايه الرجال : ليه زعلت ذحين أجبلك قته مايهون علي نفسك فيه وماتكلينه أنا : والله ماقلت قاته أنت ماسمعتني زين قتلك مشكور وبعدها مشيت وما لحقني <<< ما أتعلم كذا مره المصطلحات اليابانية تحطني مثل هالمواقف ذحين أحكيم على مباراة اليابان تدرون أخس مباراة شفتها للمنتخب كانت هذي المباراة تدرون ليه ؟ أقولكم بالعادة أنا وأخواني نتفرج المباريات لحالنا من دون الوالد بس عشان في الفندق مافي غير تلفزيون واحد وشوفوا المعاناة الوالد مايحب أي نوع من أنواع الصريخ سواء على هدف أو هجمة ضاعت وأنا ما اعرف غير أصارخ وطبعا خاصمني كم مرة وقدرت امسك نفسي لما تكون الهجمة ضايعة بس يوم جى الهدف قمت اصرخ واصفق وطبعا قام الوالد طردني من الغرفة ودوبي باناقشه انه يخليني وهو يقول بره ويفصل بين كلامنا قول اليابان فجلسني وقلي المرة الثانية تخرجين وأنت ساكتة قتله طيب وجالسة أتفلسف وأقول المؤمن لايلدغ من الجحر مرتين مالت علية جى قول معاذ وبصراحة أنا كنت مقهورة على مالك انه قدم كل شيء إلا انه يسجل فلما سجل ماصدقت واتجننت وطبعا out وأنا بره سمعت هدف اليابان , وحزن الوالد ورجعني وبعدها جى قول مالك الثالث ونقس السيناريو صريخ وتصفير وتصفيق وجى الوالد بيطلعني كان تقول أختي كل ماطلعتها تجيب اليابان هدف خليها يمكن تكون النحس على منتخبها اللي تحبه بعد السعودية فخلاني وفزنا والحمد الله بس خسارة الكأس كان للعراق أتمنى إن يكون موضوعي لاقى استحسانكم وأشكركم على صبركم على قراءته حتى النهاية كتب بواسطة :- أخت سينشي <<< ياحبي لها الشخصية  |
