الغالي أبو هيا :

إقتباس اللاعبون الصغار بحاجة لدعم ... بحاجة لنجوم بجوارهم من نوعية الثنيان - سليمان - التيماط ..

صدقت بالفعل لا بد من توجيه هؤلاء الصغار بالزج بأصحاب الخبرة ..

إقتباس والغياب الشرفي والاداري مصيبية هلالية ..

والله مصيبة ما ندري وش نهايتها يا بوهيا ..

حياك الله في موضوعك يالغالي ..



الغالي النايف 11 :

إقتباس أقــــــــــــــول المــــــواهب أثنان والبقيـــــــــــــــــه ياقلب لا تحزن

نرجع ونقول لا تستعجلون على هذي المواهب توها ما أخذت الفرصة كما يجب .. وبالعكس وصلت هذه المواهب إلى الفريق الأول في ظل ظروف إدارية غريبة ..

إقتباس مدام النزهان والقحطاني ماجودين مافيه مواهب والكل شاهد المباراة

الله يصبرنا على هذي الأسماء اللي صبرنا عليها وما قدمت أي جديد ..

ومشكور على المشاركة ..


الغالي جنتلمان :

إقتباس المصيبيح برئ من كل اللي يحصل للهلال لكن هذا مو معناه اني أنا معه أو ضده .. وأتمنى أنه مايطلع علينا من يقوله كله من سبايبك يالمصيبيح !!..

بالفعل يالغالي هذا اللي نحتاجه سواء أنت ضد المصيبيح أو مع المصيبيح في تصرفاته فلا يجب عليك إلقاء اللوم على هذا الرجل لمجرد على قولتهم كبش فداء للهزائم الهلالية والمشاكل الأخيرة والتي لا يجدوا أمامها إلا المصيبيح لتعليق جميع التهم على رأسه ..

إقتباس آآآآآآآآآآآآآآآآه .. ليت لبلدنا [ قفل ] كان ما أخلي أي مسؤول هلالي يتعدى أبها

الله يرجك .. والله لو موب قفل لو تجيب أقفال كبر المملكة ما عنهم وعن باريس وأنا أخوك ..

إقتباس ويــــن هالظروف ؟؟؟!!

أنا أقصد الظروف الإدارية والتقصير من أصحاب الشأن على قولتك والتي حالت دون ظهور هذه المواهب بالمظهر اللائق والتي يجب أن يظهر بها أي لاعب يرتدي شعار الهلال ..

وحياك الله يالغالي ومشكور على مشاركتك الرااائعة ..


الغالي أبومشعل 2001 :

إقتباس علينا الوقوف مع هذا الفريق الشاب حتى يجتاز هذه النتيجة الثقيله ويعود لساحة الانتصارات ، فهو فريق جديد وفي بطولة جديدة ورب ضارة نافعة

ياليت كل هلالي يفكر بهذا التفكير الواعي اللي أحسدك عليه ما شاء الله عليك .. وهذا اللي ننتظره من الجمهور الهلالي الكبير ..

وشكرآ على مشاركتك يالغالي ..


الغالي المرعب سامي :

إقتباس وكلمتي للجماهير الهلاليه اقول صبرا على هذا الفريق

بإذن الله سنقف مع هذا الفريق وهذا هو الجمهور الهلالي الواع دائمآ ..

وشكرآ يالغالي على إطرائك وهذا من طيب أصلك ..

وبغيت أقولك شي يالمرعب ترى أسمك يخوف لو أنا نصرواي كان إرتعت ..

ومشكور على المشاركة يا زعيم المرعبين ..


الغالي طلال المحمدي :

مشكور على الإطراء وعلى المشاركة يالغالي ..


الغالي الشامي_15 :

إقتباس بالله لاتنصبون على أنفسكم ,, والله الليلة لاخراشي ولا عزيز ولاغيره اللهم : 1/ أبو شلهوب . 2/ فيصل الصالح .

يالغالي حنا ما نصب على أنفسنا وما أحد قالك أنهم قدموا مستوى بل بالعكس المستوى تحت الصفر ولكن نحن نعالج الأسباب ونقف جانب هؤلاء الصغار ..

أتمنى أن تكون وصلت الفكرة ..

إقتباس شفت وليد الرجاء ؟؟

إقتباس شفت رقم ( 12 ) اللي سجل الهدف السينمائي ؟؟؟؟؟؟

إقتباس شفت الظهير الأيمن الأتفاقي ؟؟؟؟؟؟؟؟؟؟؟

أنا ودي أسألك هل تتمنى هؤلاء بالهلال ؟؟؟

وشكرآ على مشاركتك يالغالي ..


الغالي أبو ناصر :

إقتباس حقيقة أنك أصبت كبد الحقيقة بحديثك .. ومن الظلم والحيف أن نقتل هذه المواهب بـ ( تسرعنا ) بالحكم على مستواهم من الآن !!!

ألف شكر يالغالي ونتمنى أن نقف جميعنا كمحبين لهذا الكيان الغالي بجانب كل شخص وفرد يخدم نادينا ومن ضمنهم هذه المواهب التي سيكون لها كلمة في المستقبل القريب بإذن الله ..

ومشكور على المشاركة يا مشرفنا الغالي ..


الغالي abu_riman :

إقتباس عزيزي للأسف أن هذا هو حال الجمهور ! ألا يرون العالمي ( وأنا هنا لا أقارن ) الذي نافس على أكثر من بطولة الموسم الماضي بنفس اللاعبين تقريباً حتى الآن لم يحصل على أي نقطة .

كلام 1000000% صح ومشكور على الإيضاح اللي عجزت أني أوصله .. المهم يالغالي المستقبل وبناء فريق يصبح دعامة قوية لنا في المستقبل ولا ننظر للنتائج الوقتيه والتي عجز عنها العالمي حتى الآن ..

ومشكور يالغالي على المشاركة وتو ما أنور الموضوع بوجودك يالغالي ..


الغالي ابو نورة2002_ :

إقتباس وازودك من الشعر بيت السفينة تبي من يقودها واللة يردالامير بندر بن محمد

الأمير بندر رجل من رجالات الهلال الذي نتمنى أن يعود لبيته بأسرع وقت لإنقاذ ما يمكن إنقاذه ..

والأخبار يالغالي ستشاهدها صباح الغد بإذن الله .. ومشكور على سؤالك يالغالي ..

وألف شكر على مشاركتك وإطراءك ..


وشكرآ للجميع التفاعل مع الموضوع الذي من أجله نريد العوده القوية لنادينا والوقوف بجانب مواهبنا الرائعة ..