| والله وصدقة يالرحال الأزرق
صحيح مو كلهم بس فيه نسبة حاقده على السعودية
وذكرتني في موقف اسمحلي بذكره
كنت في احدى المحاضرات في الكلية
كان يوم صرف المكافأت
وكانت الدكتورة من مصر
قالت والله قهر احنا بمصر نعطي الدولة فلوس علشان ندرس
وانتم تعطيكم الدولة مكأفات علشان تدرسون
وانتم ماتعرفون شي
حتى انكم تاخذون ورق الأطلس
وتسونه العاب طيارات لاطفالكم
بسراحة كانت القاعة هدوء والكل خايف
انهن اذا ردن تترصدلهن الدكتورة
وكنت انا نفس الشعور في البداية
بس يوم شفته تنكت علينا بورق الأطلس ماقدرت اسكت
لو تسبني اهون من تسب السعودية
تحركة فيني الوطنية احس إن بدء الدم يغلي
قلت ياله بسكتها ويصير اللي يصير
رديت عليها وقلت مو احنا اللي نسكت عيالنا بورق الاطلس
طبعاً هي ماتوقعت احد يرد عليه لان نجاحنا بين يديه
التفتت علي وقالت وقفي طبعاً انا وقفت >>>كانت بنبره حاده
وحسستها ان ماهمني احد وانا بيني وبين نفسي
اقول يارب وش النشبه وش تبي تسويلي>>>>>>وش تتوقعون
صكتني بسؤال / حددي على الخريطة الجزء الجنوب الغربي من قارة
افريقيا ؟
وقالت وريني شطارتكـ
طلعت وحددت المطلوب وهذا بفضل الله
بس والله انه انحرجت قدام الطالبات
ماتوقعت اني اجاوب على السؤال لان المطلوب
يمثل جزء صغير في الخريطة
وانا في السنة الاولى في الكلية يعني المعلومات قليلة
ومن هالموقف وهي ماتجيب طاري لسعودية
وهذا مثال بسيط للي يدرسننا
في الثانوي أو الكلية
على بالهم انهم يمسكوننا
مع اليد اللي توجعنا
مشكور اخوي على الموضوع
اقدم اعتذاري عن طول الموقف  | 