السلام عليكم ورحمة الله وبركاته …

شخباركم عيني ؟ .. وشحالكم ؟ .. أن شاء الله تمام ..

اشتقت لكم حييييييل ..

أنا أختكم (( ريري هكتور )) عضوه انضمت إليكم ..

فهل من مرحب>> يقالي جديده !!!

الصز اني عارفتكم و خابزتكم و فاردتكم و عاجنتكم >>> فطاير صرتوا

الله يحيني بينكم و يخليني لكم .. والله لولاي تسان علوم ..

أن تصافق بكم الدنيا ..>>> تكفين لا تخلينا ..

المهم .. نخوش بالموضوع دغري ..

من امنياتي العظيمه أني أكون هكرزه >>> المؤنث من هكرز ..

وللحق .. كنت دائما ابلش والداي بهذ الموضوع .. و اغثهوم ..

وذات مرة .. قالت لي والدتي .. لم لا تفدعين بالكرز كودتس تصيرين هكرز ..

فطفقت هاجتن للسوق الخضره الثالثه فجرا .. و قشقشت من

الصناديق حتى امتلئ حوض الهايلوكس >>> اويلاه عليتس يا

الهايلوكس ..

رجعت للبيت وزرطت إلى من قلتو بس ..

ولكن للأسف من دون جدوى البطن انتلى و العقل نيم ..>>> ماعود شعيب أبو مروه يسيل ..

جا خالي لمي وأنا صاكتن بي الدنيا صك .. قلت له السالفه ...

وقال . ما لقى الجداد يلقى متحتت >>> شكله سبه والعهده على خالي ..

مير دوتس هالرابط وأنا خالتس ..

وأطير من الفرحه ... وادخل هكا الرابط ..

عادي عندي كل حياتي مغامرات ...

إلا في حالات اتحول من فتاة مشاكسه لطفلتن و ديعه >>> بسه مذبوحه على قولة أمي ..

دخلت الرابط .. عيا لا يفتح ... والمرة الثانيه يعي .. والثالثه حلف ...

والرابعه فتح ...وابليس يتراقص فوق راسي


هو فتح من هنا .. ومير ينط بوجهي شي أسود مكتوبن عليه ..

(( أكبر هكرز في الوطن العربي ))

وأنا مير ما تمسكونن من الفرحه ... فاجتن الكشره من الأذن للأذن ..

وفجأة..

القى نفسي بوسط عربه تسني سنووايت .. وهي تلفلف بي .. وأنا ألفلف معه ..

وهكا الأوراق تتطاير من العربه و أنا أقول ماشاء الله هابتن عليهم

الشماليه و حنا صالخنا الحر .. يالله من فضلك وش العربه ..

وينتس منذ مبطي ؟

يا عين حيي يا خويلي .. يحب يونسن لا ضاق صدري ..

بس ماش نغزن قلبي .. الدعوى طالت واستطالت ..

داخ راسي وأنا ما غير بها العربه ... اتحرى آصل للمنتديات ...

مير مابوه أحد ...

وتاقف بي العربه والأوراق وقفن ...

هاه ؟ وشو ؟ خلصت اللعبه ... وش بهم و قفون ؟

ايه قلت الله يوسع صدورهم انبسطت معهم >>> يا غافل لك الله ..

وأدق على ليز : ليوز لا يفوتس .. بعطيتس رابط .. بوه ألعاب فله ..

شكله رابط ديزني لاند .. قصم وناااااااااااااسه بقووووه ..

قالت : والله ما نيب فاضيه .. الله يعافيتس أخبر عندتس مستند مهم لي ..

ارسليه ع إيميلي ..

قلت: من عنوني .. بس تكفين ادخلي الرابط ..

قالت: خلاص ولا يهمتس ..

سكرت منه ..ورحت للمستندات .. ابرسلها اللي تبيه ..

هاه ؟

وشو ؟


وينهن ؟


وين راحن ؟

يمه ايميلي ... مستنداتي ... مجلداتي ...


يمــــــــــــــــــــــــــــــــــــــــــــــــــــــــــــــــــــــــــاااااااااااااااااااااااا ااااااااه


نو وي ... يالهوي ..

واتصل على خالي ... تكفى يا خال ... جهازي فاضي ..

وش الدبره ؟

قلي ؟

ويقعد يضحك .. أهم شي انبسطتي ؟

ورديت لتس الصاع صاعين ..

قلت : صز أن الخال خلي والعم ولي ..

وصز أن الدنيا ..

أماني في أماني ... مثل بحرا بلا شط و مواني ...

سؤال ..

كيف أرد لخالي جميله اللي بعمري ما انساه ؟


*********

ريمــــا..

كل الشــــكر لمن ســـاهم في تفعيلــــــي ...