إقتباس الرسالة الأصلية كتبت بواسطة خالي من الهم صدقوني يا أخواني القطاع الخاص هو المستقبل الحقيقي للفرد وخاصه في هذا الزمن .

هلا فيك اخوي خالي من الهم ، أنا أتفق معك بكلامك بس بنفس الوقت ما ألوم الشباب ببحثهم عن الوظيفه الحكوميه من ناحيه الراحه النفسيه والإجازات والفرق بينها وبين القطاع الخاص وسوء معاملتهم للموظف.
أنا بقولك اللي حصل لي شخصيا مع القطاع الخاص
أنا متخرج ومعي شهاده ومعي شهاده خبره أربع سنوات وإضطريت للعمل بالقطاع الخاص وكنت موافق على كل المميزات والراتب ألفين ريال فقط والدوام 9 ساعات يوميا ويوم الخميس 6 ساعات.
ولما توظفت بأول يوم طلبوا مني الشهادات الأصليه ( طبعا أنا كنت حاط ببالي إني بجيب الشهادات الأصليه فقط للمطابقه ) وبعد ما سألت الموظفين أخبروني إن الشهادات الأصليه راح يحجزونها عندهم لمده سنتين.
ولما جاء اليوم الثاني طلبني المدير وقالي : وين الشهادات الأصليه
قلت له : ممكن أعرف ليه طالبين الشهادات الأصليه
قال : علشان نتحفظ بها
قلت : ليه تحتفظون فيها
قال : علشان ما تطلع من عندنا
قلت له : طيب لو لقيت وظيفه أفضل وساعات أقل وراتب أكثر
قال : ما تطلع من عندنا ولا تقدر تأخذ شهاداتك ، وإذا تبي تطلع لازم تدفع تعويض 7500 ريال علشان نعطيك الشهادات
قلت له : طيب لو ما جبت الشهادات
قال : ما راح نعطيك راتب
قلت : اوكي يالله مع السلامه

أخوي خالي وربي ما ألوم الشباب أبدا انهم يتركون القطاع الخاص من سوء معاملتهم للمواطن