| المنتخب السعودي مستهدف لأنهم فرحوا بالفريق الفايز بكأس آسيا !
مشكلة العرب في العاطفة الزايدة
لما فزتوا على اليابان غنوا ورقصوا وحطوا اغاني للأخضر .. ماشوف حد منكم تكلم وقال القناة مستهدفه الأخضر !
عارف مشاعركم ومقدرها بس لاتتوقعون من القناة تحط اغاني حزينة بعد المباراة على طول !
واقسم بالله لو منتخبكم هو اللي فايز كان صار المثل
اما يوسف سيف معلق كبير وشخصية محترمه جداً في قطر والخليج واذا انت ماتعرفه فهذي مشكلتك وهو اكبر منها .. واذا خيالك الواسع بمساعدة عاطفتك شطح شوي .. بعد هذي مشكلتك
يوسف سيف اذا ماعلق على السعودية تراه بعد ماعلق على قطر .. المسألة في توزيع المعلقين .. ويوسف سيف كان في تايلند ويعلق على مباريات المجموعه .. وتوزيع المعلقين له مسؤوله الخاص ويوسف سيف ماله علاقه في هالأمر
يكرم بو محمد من الكلام اللي قلته عنه
ارجع واقول مقدرين مشاعركم بعد الخسارة ونقولكم هارد لك .. بس بعد الواحد لازم يسيطر على نفسه والعقل نعمه ياخوك | 