@@ يا زينة من احتراف !! @@

تعجز الدول الاوروبية ان تصل إلى ما وصلنا اليه من في مشوارنا الاحترافي كنظام وتطبيق ..
فمنذ تطبيق الاحتراف وانديتنا من (جرف لدحديرة) .. ونجوم ضاعوا بسبب المادة والاحتراف فلا حصلوا على بلح الشام ولا عنب جيزان !!

بل ان اجهل الجهلة بنظام الاحتراف هو من يعتقد انه استطاع انه يفهم الاحتراف !! لانه لا يوجد بالاصل احتراف او نظام احتراف حتى يُفهم ويدرس!!

استثناءات بالجملة .. ثغرات عد واغلط ..

لاعب يتظلم .. ونادي يشتكي !! والجميع مظلوم ..

نأخذ على سبيل المثال هذا الخبر من جريدة الرياض :



لاعبو النصر لم يتسلموا مرتباتهم منذ 10 اشهر تقريباً !! وعندما استلموا حقوقهم لمدة اربع اشهر فقط .. تابعوا ما حدث !!

القرني عبدالله وصل الخصم عليه الى ما نسبته 98% من مرتبه البالغ 10000 ريال !!! يعني استلم المبلغ التالي :

10000 – المبلغ المخصوم واللي هو ( 9800) أي 98% من الراتب !! = 200 ريال !!!!!!!!!!!!!

راتب القرني ( 200 ) ريال ..

طيب تبحث عن السبب تلقاه فيكون الجواب .. السبب هبوط مستواه !!!

اما هادي شريفي .. فتم الخصم من مرتبه لشهرين 17 الف ريال ..( لاحول ولا قوة الا بالله ) !! وش بقى له المسكين !!! اكيد اقل من 200 ريال !!

اما تميم والبيشي فرواتبهم تبلغ 6000 ريال وبلغ الخصم حدود نصف الراتب .. يعني 3000 ريال ..

بطش اداري على اعلى المستويات !!!

بل ان لجنة الاحتراف وضعت ( لائحة خاصة بالعقوبات ) .. ولكن نادي النصر اخر نادي يطبق النظام او اللوائح !!

لكن هل تعتقدون ان النصر وهو يخترق كل القوانين ويقفز فوق اللوائح يتعرض للظلم !!

بل على العكس .. ولكن في قضية (ماطر) خير مثال !! فما يطبق على الهلال يختلف تماماً عن ما يطبق تجاه النصر !! فنجوم الهلال يوقعون عقود احترافية بإثر رجعي !! اما نجم النصر (الوحيد) فيستثنى ويوقع عقد من يسري منذ تاريخ توقع العقد !!

تعالوا لنكتة احترافية اخرى ..

عبدالله الجمعان .. يحصل على اجازة لمدة 6 اشهر وبمرتب 10 الف ريال .. والقرار يصدر من الاتحاد السعودي !!

بمعنى الاتحاد ولجنة الاحتراف ليس لديهم القدرة على حفظ حقوق لاعبي نادي النصر من الخصومات ( الفلكية ) التي يتعرضون لها من ادارة ناديهم ..

وليس لديه القدرة من حفظ حق الهلال من لاعب يتخاذل ويتخلف عن لقاء نهائي يمثل فيه الهلال الوطن !!!

مسكين عبدا لله القرني .. كان يتمنى لو يصدر بحقه قرار وقت 1343 سنة ويمشي له نصف الراتب 5000 ريال .. بذمتكم ما هو احسن من 200 ريال !!

@@@@@@@@@

@@ فريق الهلال الجديد و الجمهور القديم !! @@

هل يتذكر كل منا بداية نجمنا المحبوب سامي الجابر ؟ .. اقولها لكم بشكل سريع ..

كان الكابتن سامي لاعبي (عادي) جداً في بدياته .. بل انه لم يكن ملفت للانظار كما كان ( خالد النفيسة – التمياط اخوان ) .. بل ان سامي بدأ في في منتصف الملعب وتألق وابدع في مركز رأس الحربة !! ..

اردت من التذكر ببدايات الكابتن سامي ان اقول ان من ( نهش ) في القاعدة الهلالية بعد اول لقاء ضد القادسية يجب ان يكبروا عقولهم فهذا الهلال وهذا مستقبل الهلال ...

لا تجعلوا من موقفكم تجاة من يعمل في النادي سبباً في ظلم شباب الهلال !!

فليس ذنب بدر الخراشي ان امين عام النادي هو المسعد ..
وليس ذنب ذياب مجرشي ان مدير الكرة هو المصيبيح ..
وليس ذنب فيصل الصالح ان الغليقة هو امين الصندوق ..

اقصد اذا كان هناك من يحمل عقد نفسية تجاة العاملون في النادي فليس من المستحسن ان يفرغها في شباب الهلال الصاعد ..

امحنوهم الفرصة وشجعوهم وإذا لم تستطيعوا نقطوهم بسكوتكم !!

اعجبني جداً مقال للغائب الحاضر (دعيعاوي) .. وفية تحدث عن الفريق الهلالي الصغير .. وحاجته للدعم والتشجيع ، وذكر نقطة غاية في الاهمية وهي تعزيز الفريق الشباب بثلاثي خبرة فوق (23) سنة .. طبعاً غير (الكاتو) (!!) .. هذه النقطة بالذات يجب ان يفكر بها المدرب الفني والاداري على الفريق فالشباب الصاعد بحاجة الى من يسندهم من نجوم الخبرة ..
مقالة الاخ ( دعيعاوي) كانت رائعة ومميزة .. واخشى انها غابت عن الصفحة الاولى ,, لان (الزعيم الابن ) و ( ابو عليوي15) يقومون قبل الخبازين ما شاء الله ويغيرون الصفحة الاولى بردود حكيمة وفي صلب الموضوع .. واحد يقول ( لوووووووووووول) والثاني ( لابد من حل المشكلة !!) مع ان الموضوع مافية مشكلة .. عموما انتظروهم يردون على هالموضوع واتحداكم انهم جابوا خبر ان اسمهم بالموضوع .. باختصار .. من يريد ان يقرأ المقالة عليه الضغط هنا

@@@@@@@@@@@@@

@@ كما حقرت وبقرت الجزيرة !! @@

مع صدور قرار إيقاف عبدالله الجمعان تسابقت الصحف على نشر ( تميزها) !! وانها كانت متميزة بالخبر وسبقت الجميع .. فبالاضافة الى الجزيرة كانت الرياضي ..

اعود لجريدة الجزيرة وكونها الاقرب للهلال والذي يفترض ان تكون متميزة بالفعل لا بالنصب والاعتماد على ضعف ذاكرة القراء واحياناً عاطفتهم ..

في تاريخ 21/7/2002 ..

علموا من مصادر هلالية ان الجمعان سيتم تحويله هاوي .. طيب هذي عادي .. صح عليكم الهلال طلب تحويله هاوي


نجي لقبل 18 يوم .. تحديد 8/8/2002م

الجزيرة تنفرد بايقاف الجمعان سنة كاملة وتحويله هاوي .. والقرار يصدر قريباً !!



المهم اللي صار ان القرار عبارة عن (6) اشهر ولم يتم تحويله هاوي .. بس ولو كما تميزت الجزيرة


عموما اتمنى ان تتميز الجزيرة ان شاء الله بصدق خبرها الاول المنشور في 21/7/2002م .. لان قرار الاستئناف سوف يسفر بإذن الله عن رفع الايقاف وتحويل ولد عمه زليخة الى هاوي .. وبكذا تكون الجزيرة تميزت مرتين في نفس الخبر مع اختلاف الخبر .. وهذا سر التميز الدائم

بس انصحهم يغيرون ( كما تميزت ) ويحطون بدل عنها ( كما حقرت وبقرت )

@@@@@@@@@@

@@ أوحي @@

قعدت اقلب صفحة شعبية وطاحت يدي على هالقصيدة !!!!!! قلت ومالله ما عني وعن نشرها لكم .. حرام اضحك الحالي



قصيدة رائعة للرئيس الثمامي .. بغيت اعرف مناسبة القصيدة ما قدر وبديت اتخيل ..

ياترى مناسبة القصيد تغزل بكأس الامير فيصل !! والا رثاء في بطولة النخبة

لان صراحة وانا افسر كل بيت وكل شطر الحاله ما قدرت اعرف بالضبط وش البطولة اللي كتب عنها ابو ثمامة القصيدة .. تعالوا نفصفص القصيدة (الصمعاء) ..

اليوم قلبي غدا مفجوع

أوع ..

هالشطر باين انه يقصد بطولة ضايعة ومتسحف عليها علشان كذا اقول انها بطولة النخبة !!

من غيبتك يا بعد روحي

أوحي ..

هذا يأكد معنى الشطر الاول ..

غيبتك يوم عليا اسبوع

أوع ..

صراحة شطر يحير !! لان كل البطولات غايبة !!

يادرة الله عساك توحي

أوحي

يا درة الله !! يمكن يقصد بطولة كانت بدرة الملاعب !! <== ( ياشين ابو هيا اذا فكر واجد)

غلاك بالقلب تراه مزروع

مزروع والا كايدهم بخخخخخخخخخخخخخخخخخخخخخخ ( مصيبية الواحد يضحك وهو ما فهم ) !!

مغروس بذرة من جروحي

أوحي

هالشطر صعب صراحة تفسيره !! بس اكيد انه عن الناشئين والشباب لان فية بذرة وغرس !!

خدي غديراً ملته دموع

أوع

وسعابيل .

دمع الهوى وين بيروحي

أوحي

لا والله شكل القصيدة غزلية وعاطفية مهيب يم الكورة .. بديت اتأثر

يهد قلب يهز ضلوع

أوع

يهز ضلوع ورقبة بعد .. عطوه الدوري وفكونا ..

يادرة الله عساك توحي

أوحي ..

شطر مكرر سبق شرحه <=== مصدق عمره أبو هيا على هالقراءة الادبية للقصيدة

الـــــــــــــــــــــمــــــــــــــــهــــــــــــــــــــــــم ..

وش رايكم بالقصيدة عاد من جد .. والله اني تحمست يوم قريتها وقلت والله ثم والله لانشرها علشان تنبسطون .. حتى اللي يبي يسوي مسابقات شعرية يقدر .. اقول لكم كيف ..

حط القصيدة زي كذا .. :

أقرا النص التالي :




استخرج ما يلي :

@ شطر زالق عليه مصطفى !!
@ كلمة تجبر الشاعر عند قراءتها على سحب البرطم العلوي ووضعه بين البرطم السفلي والاسنان السفلية
@ تشبية ماله داعي!!
@ ولد عم مشرف منتدى الجمهور الهلالي

شفتوا وشلون .. اربع اسئلة وانا ما فكرت .. وشلون لو افكر ..

علشان كذا انتم تقدرون بعد تسوون مسابقات من هالقصيدة .. والله يوفقكم ..

@@@@@@@@@@@

@@ خبرة عن خبرة تفرق !! @@

كلنا شفنا وشلون الاتحاد استفاد من نجوم الخبرة ( نور – الصقري – اليامي) وسجل نتيجة تاريخية في مرمى الرائد .. بس الاكيد انكم ما شفتوا خبرة صالح الداود ضد الشباب !!

لانكم تبي تقولون وش خبرتهم والنصر مهزوم .. بس بصراحة احس الداوود سوا اللي عيله واكثر في المباراة ..!! ودرس براعم النصر وشلون يقدر يوصل رجله لخد لاعب الشباب !! ويرفسه والنتيجة كرت اصفر لا وظلم بعد !! اقول ظلم لان لاعب الشباب المفروض يلعب ومعه ( سلم ) علشان اذا رفع الداوود رجله يصعد اللاعب على السلم علشان ما توصل له رجل الداوود !!



لا تفوتكم !! اضغطوا هنا !

@@@@@@@@@@@@@

@@ هلاليات مختصرة !! @@

@@ المصيبيح لا يستطيع النجاح لانه مدير كرة غير داعم مادياً !!! او ليس لديه القدرة على الدفع !!

هذي اول مرة اسمعها في حياتي !!

طيب النعيمة كم دفع !!
سعود الحماد كم دفع !!
الجربوع كم دفع !!
سلطان بن نصيب كم دفع !!
جاسم العثمان كم دفع !!

كلهم شغلوا منصب مدير كرة بالهلال !!!

وش معنا المصيبيح علشان ينجح لازم يكون (كاش) !!!

انتبة يالمصيبيح لا تعلم انك كاش !!!

اخاف تصير خدعة علشان يحطونك رئيس

@@ كتبت اربع كلمات فقط ( مع مراعاة فارق العقليات) !! وجن جنونهم !! وشلون لو اكتب قصيدة زي ( يادرة الله عساك توحي )

@@ يعتقدون انه لا يقرأ ما بين السطور الا (هم) علشان كذا .. دائماً هم مؤدبين ومحترمين !!

@@ مصيبية اذا طوع الشخص الاحاديث الشريفة والايات وفق هواه وما يريد !!

@@@@@@@@@@@@