حياكم

العمدة:شكراً جزيلاً لتواجدك يا غالي.

ولد وايل:تقديري لمشاركتك الثرية والمطولة وأنا يا عزيزي غير مقتنع أبداً بفكرة (بناء منتخب)!!
أنا مقتنع بكلام حمد الدبيخي اللي قال إن المطلوب من المنتخب ـ أي منتخب ـ أنه يحقق نتائج جيدة.
(الإعداد) يا عزيزي للفرق فقط.ولو تتذكر الكلام اللي قلناه في كأس القارات يوم هزمنا مصر بالخمسة
بتعرف صحة كلامي.كان المنتخب يضم وجوه شابة مثل مرزوق والتمياط وفهد السبيعي وإبراهيم السويد.
خسرنا بثمانية من البرازيل وقلنا معليش،حنا قاعدين نبني منتخب للبطولات القادمة.
لكن وين هاللاعبين اللي كنا قاعدين نبنيهم من أول؟
مرزوق انتقل لدكة احتياط نادي الاتحاد بعد ما باع موهبته بعشرة ملايين ريال.
والتمياط ومن إصابة لأخرى،والسبيعي ـ إذا كنت تذكره ـ ترك الكورة خير شر.
أما الكابتن إبراهيم سويد فجماهير الاتحاد تطالب بتنسيقه أو إجباره على الاعتزال.

أنت ما تقدر (تبني) منتخب يا عزيزي لأنك ما تضمن اللي بيصير على لاعبينك.
أما النادي فهو يقدر يضمن لأنه متابع للاعب على مدار السنة ويشرف على تطوير مهاراته وتحسين آداءه.

ما أقدر لا أنا ولا أنت ولا سلطان بن فهد أنه يضمن استمراريتهم بهذا الآداء.
عبدالرحمن القحطاني انتقل للاتحاد بالوقت اللي يحاول رئيس ناديه التعاقد مع تشيكو كلاعب وسط أيسر!!
يعني مستقبله انتهى مثل ما انتهى مستقبل مرزوق وسعيد الودعاني على دكة الاحتياط والمشاركات المتقطعة.
الوحدة وبدأ يبيع لاعبيه بالكيلو.وأتوقع إن أسامة هوساوي والموسى أخوان بينتقلون له وبتنطفي موهبتهم .
يمكن ما ينجو من مقبرة الاتحاد إلا لاعبي الأندية الكبيرة.

المنتخب ما فيه إعداد.ولو تشوف المنتخب الياباني بتلاحظ إن ثلاثة أرباع لاعبيه جدد.
التاريخ ما يتذكر الإعداد.ومنتخب مثل فيتنام موب معدي التصفيات الأولية بعد كذا لو يطير.

المستقبل موب بيدي ولا بيدك.
حنا ما لنا إلا الوقت الحاضر.
والحاضر طيب والمستوى مشرف والنتائج أفضل من سابقتها بكثير.
نوقف عند هذا الحد ونتمنى للمنتخب كأس بطولة أو تمثيل مشرف في نصف النهائي.
أما سالفة الإعداد فهذي ميب فايدتنا بشيء لو ما تأهلنا لكأس العالم المقبلة.