نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

~~~لؤلؤة الزعيم~~~ · #1 23/07/2007, 02:01 AM

السلام عليكم

صباح الورد الأخضر-------------<<< ايه لاتستغربون انا شفت ورد جوري اخضر بس
ما يتواجد الا في هولندا

كيفكم ؟!

ألف ألف ألف مليون مبروك التأهل الى نصف النهائي

وعقبال النهائي والكأس قول آآآآآآآآآآآآآآآآآمين

بصراحه انا جد فرحانه --------------------<<ماكن احد يشجع الا هي

بس من جد أكيد كلكم فرحانين مثلي لأن قبل لا تبداء البطوله ماكنت متوقعه أن المنتخب
مب يروح ربع النهائي الا ماكنت متوقعه أنه يفوز في مرحلة المجموعات:sad:

بس أنا من جد ملاحظه شي يفرح ويبشر بالخير يمكن تقولون اني ادور مصلحتي
لكن من جد أنا فرحانه مب عشان المنتخب بس حتى عشان الهلال يعطينا أمل في
الآسيويه وهو الكابتن ياسر يمكن تذكرون كيف كان مستوى الكابتن ياسر أنا ما أقول
انه كان سيئ لكن كان مستواه نازل في نهاية الدوري وأكيد هذا أثر على الجميع

لكن من بدت البطوله وأنا أشوف الكابتن ياسر مباراة عن مباراة يبدع ويمتع أكثر وأكثر

سبحان الله ما ادري هذا الشعور جاكم أو لا أو لاحظتوه أن الكابتن ياسر يمشي على خطى
الكابتن الكبير الأسطور سامي الجابر بمعنى أن رده دايم في الملعب ولا يلتفت للكلام

ماشاء الله تبارك الرحمن عليه مهاجم وصانع لعب ومدافع وكابتن وقائد وكل شي

من جد خوي الذيب اليوم ومباراة البحرين مو بس مهاجم وبس الا بدع في صناعة اللعب

وأكيد شفتوا اليوم لما طلع من الملعب كيف كان يوجه اللاعبين من الأحتياط ذكرني بالكابتن
سامي على أيام سيرزيو من جد الله يبارك فيه ولايتأثر بكلام العذال اللي ماهمم الا أنفسهم :sad:

لا ويمكن اللي شاف التحليل بعد المباراة على القناة السعودية الرياضية والله أنقهرت
لما طلعوا أن الكابتن ياسر خذا افضل لاعب بالمباراة قال حاتم خيمي يعني المفروض
مب ياسر اللي ياخذ أحسن لاعب من جد ماعنده سالفه أجل واحد يسجل هدف ويصنع
الثاني ومايستاهل أنه ياخذ أحسن لاعب لكن شنقول المبدعون دائماً محاربون

اخيراًالله يوفق المنتخب في النهائي المبكر مع اليابان ويوفق الاعبين يارب

ولا تنسونهم من دعواتكم

عاد قبل ما اختم عندي كلام ودي اقوله هو مب كلام
لكن مسج كتبته بعد المباراة

الأول
يابعدهم كلهم ياسعودي ياسيدهم
يابعدهم كلهم يالكاسر ياعمهم

والثاني
يدانه بعين أسيادك ترى السعودي
ربانك وياسر ربان هالمركب
طوتني رحلتي عنده وحطيت الأمل بلعبه-------------<< من جد كان قد الكابتنيه والمسئوليه ;)

وسلامتكم

اتمنى يعجبكم المسج

الى اللقاء مع إنتصار آخر للأخضر