السلام عليكم ..

شخباركم.. مبروك الفوز وعقبال البطولة ..

الصراحة انا مستغرب من اغلب جمهور الاخضر انه مسلَم المباراة الجاية لليابان .. وكانه هو اللي بيفوز باللقب ..
<< طيب وش اسوي لك ..

ودي احاول اقنعكم بان المنتخب قادر على الفوز على اليابان ..

اليابان دفاعه لم يختبر ...

مباراته الاولى امام قطر .. وقطر ما هاجمت ولعبها دفاعي والاعتماد على المرتدات ومع ذلك جابو هدف ..

امام الامارات دخل مرماهم هدف ملعوب ومجهود خرافي من دادا .. كيف لو ان المنتخب الاماراتي كان بكامل

عافيته .. بالتأكيد سيفوز ..

المباراة الاخيرة امام فيتنام.. دفاغ لم يختبر نهائيا ومع ذلك سجل هدف على نفسه..

امام استراليا .. استراليا من تبدأ بالتسجيل نتيجة خطأ دفاعي وسوء تغطية .. وبالكاد<< متعوب عليها جابو

التعادل .. طرد للاعب المنتخب الاسترالي .. واليابان كان متعادل وباقي 25 دقيقة على نهاية الشوط الثاني ومع

ذلك ما قدروا على قول ثاني يريحهم .. وازيدكم من الشعر بيت .. استراليا قدرت انها تهدد مرمى اليابان اكثر من

مرة .. ونفس الرتم والاداء بالاشواط الاضافية .. وبركلات الحظ يفوز اليابان ..

كذا خلصنا من الدفاع .. وطلعنا بفايدة << يا بثرك

الفايدة انه اذا كان ياسر ومالك وعبدالرحمن و(الموسى او تيسير او عطيف) اذا كانو بافضل حالاتهم .. اعتقد انه

راح تكون شوارع في اليابان ..

نجي للهجوم .. هجومهم بان على حقيقته امام قطر واستراليا ... امام استراليا خطأ دفاعي واضح ..

وامام الامارات لعبو على اخطاء الامارات القاتلة ..

يعني ان هجومهم ما اذكر له هدف ملعوب ومرسوم تكتيتكيا .. الا الهدف الثالث امام فيتنام .. وارجعو لاهدافهم

وتشوفون كلامي ..

بينما المنتخب السعودي له اهداف ملعوبة ومتكتكة .. اولها هدف الموسى اليوم وهدف عبدالرحمن امام البحرين

وهدف تيسير الرابع امام البحرين ...

الزبدة ان منتخبنا قادر على الفوز ..

توقعي للمباراة ان منتحبنا سيفوز على اليابان واحد صفر .. وراح تكون هناك هجمات سعودية ضائعة - والله اعلم-