شوف انا ماراح اهايط لكن يشهد الله علي اني كنت متوقع وصول المنتخب لدور الاربعه
ماهي عاطفيه لكن كلامي او توقعي ماكان عبث لان دورة الخليج اللي بالامارات كانت البطولة اللي حسيت
ان هيبة المنتخب السعودي رجعت بعد غيبة من 2002
اي منتخب بالعالم موشرط يحصل على الكاس بس الاهم انه يكون منافس قوي
لاحظ المنتخب الايراني منتخب يملك هيبة بطل بلا بطوله ومن اكثر المنتخبات الاسيويه هيبة مع ان له اكثر
من 30 سنه ماحقق اللقب
بالنسبه لي المنتخب السعودي حقق المطلوب وماقصروا الشباب الله يعطيهم العافيه
يمكن تكون مباراة اليابان بالنسبه اقل حماس من مباراة اليوم لانه مثل ماقال الامير نواف بن فيصل اللاعبين
قدموا اللي عليهم ولاراح نطلب منهم اي شي واي شي يقدمونه يعتبر اضافه
طبعا اتمنى الوصول للنهائي لكن المكسب الحقيقي هو هذا المنتخب واللي راح يكون له الف حساب من الان ورايح
تخيل هالمنتخب بعد اربع سنوات وش راح يكون مع بعض الوجيه الجديده ان شاء الله اللي بنكسبها
من دورينا القوي والقوي جدا خصوصا السنتين اللي راحت واللي اتمنى رتم المنافسه يرتفع فيه
وتكثر الفرق المنافسه لانه الكاسب الاول والاخير المنتخب
عموما اليابان عقده لنا والاجيال اللي مضت عجزت عن اليابان لكن ماتدري يمكن هالجيل يحقق اللي عجز عنه
جيل النعيمه وماجد وجيل سامي والثنيان وفؤاد انور
صدقني الفايز من مباراة منتخبنا والمنتخب الياباني هو البطل مع احترامي للعراق وكوريا
بالتوفيق ان شاء الله