إقتباس الرسالة الأصلية كتبت بواسطة MaJeD   مشكور اخوي وكلامك صحيح وماعليه خلاف بس المشكلة ماتوقع انها انحلت أو بتنحل من الإدارة لأنهم شكلهم من الأساس ماهم عارفين أن المشكلة هي في الحملات الإعلانية الترويجية شف هالخبر وقلي رايك     مع الشكر الجزيل لابو سلطان على ترجمته المتواصله

طبعاً وبدوري أوجه كامل الشكر والتحيّة لابو سلطان على الترجمة والنقاشات الهادئة الجميلة , مع إنه طلع برازيلي في النهاية , ومتعصّب بعد



وما أنسى أشكرك انت شخصياً على نشاطك ومشاركاتك الحلوة المهضومة , بس إذا كنت كذا قبل بداية الموسم الماضي فأنصحك إنك تريّح شوي مع الشباب , لأني لاحظت تسيّب وغياب كبير منّك في منتصف الموسم , هذا وإنت عضو أساسي في الرابطة , وغيابك مؤثّر على أداء وروح الرابط ة



بالنّسبة للجولة الصيفيّة , أعتقد صارت أمر لابد منه لأي فريق قوي يلزمه موراد ماديّة عشان يستمر , ولو تلاحظ الحين مانشستر يونايتد بدأ جولته الصيفيّة بشرق آسيا , وتشيلسي كذلك في الولايات المتّحدة , وأعتقد معظم الأندية الأوروبية القوية بتقوم بجولات ترويجية مشابهة , بإستثناء الميلان اللي بيكتفي بدورة موسكو على ما أظن


واللي مطمّنّي أكثر , المباريات أقل , وقبل بداية الدوري بعشرين يوم تقريباً بيكون الفريق متواجد في برشلونة , ولا تنسى إن الموسم الماضي بدينا بثلاث مباريات رسميّة قويّة , مباراتين مع اسبانيول ومباراة مع إشبيلية , هذا غير مباراة بايرن ميونيخ في كأس قامبر اللي مدري وش سالفته

عموماً الأمر الإيجابي اللي لمسته من الإدارة , هو إستثناء ميسّي من الجولات الصيفية ومنحه إجازة إستثنائيّة , وأتمنّى ميليتو يحظى بنفس الأمر , مو لأنهم أرجنتينيين , لا لأن الخطوة هذي بتكون من مصلحة برشلونة في النهاية


ولا ننسى تمنياتنا لكم بمزيد من التوفيق , والسؤدد