بمناسبة مشاركة المنتخب السعودي
في كأس آسيا 2007
طـالبينك يـاسعودي طـالبينك
البطـوله يـاسعودي البطـوله
ارفع البيرق يرفرف في يدينك
لونه أخضر لااعتلا ماأحد(ن) يطوله
آسيا مشتاقه لك بتنادي وينك
الجفا مر والحلا منك تنوله
كم وكم ذوقتها زينك وشينك
في المحافل لك بها صوله وجوله
من ثمان اسنين هي أحلى سنينك
ياعساها التاسعه فرحه وطوله
المحبه والولاء تلمع بعينك
الصقور الخضْر كل(ن) ابميوله
نطلب المولى على الصعبه يعينك
ونصرخ ابصوت الوفا بيت(ن) نقوله
طـالبينك طـالبينك طـالبينك
البطـوله البطـوله البطـوله
تحياتي / القلم النابض
7/7/2007
