في أحد الأيام حيثُ المطر والغمــام << حلووووووووووووووووووهـ المقدمة ... كأني راح أقول قصة من حق مية ليله وليله ..
المهم شخباركم ,, عساكم بخير ,, هاو آر يو إفري بودي ,,
فيرست حاجه .. يارب تكونون مستانسين بالإجــازهـ وخصوصا ً صيف الرياض البارد ..!! ورطوبة الغربيه الجافـــّه ..!!!
عاد اللي برى المملكه مالي شغل فيهم يدبرون حالهم ويضيفون حالة الطقس عندهم .. لأن حدي الرياض والغربيه ماشفت غيرهـا أبد أبد ..
ثاني نؤطه ... مو ملاحظين إن الريــاض صايرهـ زحمه ...؟؟؟
الشاهد في الموضوع .. هالقصه صارت لي في واحد من مستشفيــات الرياض العزيزهـ ..
طبعـا ً وأنا قاعد بالإستراحه أحتري دوري عند الجـــّزار .. قصدي الدكتور .. إلا وأشووووووووووووووووف ذاك البني آدم اللي ماشاء الله عليه ((أحسه من طوله ينادونه أهل المقاولات يبني منارات مساجد الرياض )) .. ناطحة سحاب الولد .. حظــّــه يبدل لمبات بيتهم بدون ســـّلم .. ماشاء الله عليه ((تروني ما أعين موووووووليه))
إلا وأقول لخويي اللي معاي .. بالله شف المملكه طالعه من المستشفى ,,, ومامداني أخلص كلمتي إلا والرجال منسدح ٍ على ظهرهـ بالشارع طايح ٍ من الدرج ... اللي معي ساعتها فقع ضحك ويقول ... الله يآخذك جبت أجل الرجــــــــــــــــّال .... حشى مو عين هذي ..!!!
ونقوم نفزع نوقف الرجال على رجلينه ونتطمن عليه .. بس حرام ما قدر يوقف ودخلنــاهـ للمستشفى وفحوص على رجله وإشاعات وضمادات وسكاكين وملاقط ((حشى ماطلعت طيحه ... عملية جراحيه مستعصيه....!!!! ))
وبعد المداولات بين الأطبـــّاء والإستشاريين والمتخصصين في علم الطب البيطري ..؟؟ إيبله من الدجــــّه ...!!!
طلع عندهـ إلتواء بالمفصل وأمر كبيرهم الأكبر ..؟؟ بوضع جبيرهـ وخرابيط المستشفيات على رجل ناطحة السحاب .. آسف قصدي الرجــّال اللي سدحته بعيني .. وفي الآخر قلت للرجال السالفه وإني أنا السبب في اللي صار له بسبب عيني الحـــارّهـ وعذرت عليه إلا إني أدفع الفاتورهـ .. ووافق .. طبعــا ً له حق يوافق إني أدفع 360 ريال ,,, انتهى