إقتباس الرسالة الأصلية كتبت بواسطة هـ ضرماء ـلالي اما كاستيلو يجي للهلال كثرو منها الانديه السعوديه كلها حدها سيرجو والا كاستيلو بس اذا تعدى سن النضج يعني اذا عفن جاك هنا . عموما نتمنى والله انه يجي ويلعب بالهلال بس على حركات الاداره وتحركاتها ما ضنيت يجي ؛ الاداره نايمه السمسار هو اللي يجيب مو الاداره . بالنسبه لسامي اتمنى انه يشارك بكاس العالم للانديه اذا فزنا باسيا اول شي وان ينتضم بالتدريب عشان ما يعطي مجال للناس تطالب باعتزاله اما اذا بيسوي مثل العام فانا اول المطالبين له بالرحيل والاتجاه للتدريب .<<< وجهة نضر خاصه فيه لحد ينط بوجهه ويسب . وبعدين عمر الهلال ما وقف على لاعب والهلال هلال ؛ مو سامي هو الهلال اتمنى ان هالفكره يشيلونها عشاق سامي عشان ما يصير الهلال زي النصر يوم راح النصر دج كانو النصراويين يقولون النصر هو ماجد يوم راح ماجد راح معه النصر فالهلال مو مثل النصر ولا هو موقف على لاعب . للناس اللي تدعي حب سامي حبوه وحطوه فوق روسكم مالنا دخل بس اذا وصل الحد انه يجلس على حساب الهلال فلا والف لا .<<< ادري ان ردي مو عاجب الكثيرين . وبالنسبه للبطولات اللي حققها سامي ترى مو الحاله يلعب يوم يحققها واتمنى اللي معجب بهذي المقوله ان سامي حقق بطولات كثيره اكثر من الانديه الثانيه انه يجيب البطولات وتواريخها اللي حسمها سامي لوحده او حققها بمجهوده او سجل الهدف الوحيد فيها عشان يحققها . ترى حتى اللي على دكة الاحتياط يعتبر انه حقق بطوله اذا فاز فريقه بطوله لو مال لعب ولا مباراة .

تدري المشكله البعض يتوقع ان حنا نحب سامي اكثر من الهلال سامي ياحبيبي قرر يعتزل الموسم الماضي ولكن الكل ظغط عليه الا يستمر من جمهور واداره واعضاء شرف ويوم عدل عن قراره ما اعطي الفرصه اخي حنا نقول من باب التكريم لسامي لابد ان ينهي مسيرته بكاس العالم انشاء الله من جهة البطولات الي حسمها وش تبي احسب لك بطولات الدوري ولا البطولات العربيه ايام 1415 و1416 البطولات الاسيويه نسيت ولا اذكرك اخوي اذا سامي ما تعرفه زين او انك متابع جديد للهلال لا تحكم عليه وجهة نظرك احترمها نعم انا معك الهلال ما يوقف على لاعب بس سامي لابد ان يكرم فهمت ليه نبي سامي ما يعتزل.