السلام عليكم ورحمة اللــــه..

كان بخاطري كلمتين ودي أقولهم ..

ألحين أكثر البنات والشباب .. يوم تسألهم وش هي امنيتك اللي ماحققتها ؟؟

يقولك على طول ودي أحفظ القرآن ..

بس تقول وش ناوي تسوي عشان تحقق ذي الأمنيه يسكت !!!


أنا وحده من ذولي البنات .. لين ماسألت نفسي ذا السؤال وقررت من الترم اللي فات

ان أبدأ بالحفظ .. وبديت بحفظ سورة البقره ..

كل يوم صفحه .. والله انا جربت ماتأخذ منك الصفحه ساعه

وحتى لو كان عندك مية شغله .. صدقني ربي بيبارك بوقتك ..

أنا الترم اللي فات نزلت العدد الاقصى من الساعات بكليتي (كليه الحاسبات )
وحفظت السوره واخذت امتياز بكل المواد..

جربـوا وابدأوا بسورة البقره .. لاتنسوا انها تجي هي وسورة آل عمران مثل

الغمامتان على صاحبها يوم القيامه..


اللي وده أنا مستعده أسويله جدول واشارك فيه بحفظ سورة البقره ..
وفكرتي هـــــي:

نسوي جدول لحفظ سورة البقره أو أي سوره أخرى.
والمفروض كل مايحفظ صفحه يحط صح عالجدول

وعشان التفاعل يكون فيه شخص مسؤول تترسل له الجداول نهاية كل اسبوع

للتأكد من المداومه على الحفظ ..

ويكون يوم الجمعه مثلاً مراجعه ..


ايش رأيكم .. أنا بسوي ذي الفكره بالبيت ووصلنا ل6 صفحات

هــــــــا .. أحد وده يشارك ؟؟