نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - في الامــــارات حــــراميــــه بغـــوا يخطــفــــوني ..!!

leo messi · #1 01/07/2007, 06:04 PM

السلام عليكم ورحمة الله وبركاته

بصراااحه ماكان براااسي انزل موضوع بس تهووورت اليوم وقلت بخربها

المهم

ابقولكم سر بس قولوا قسم مانعلم احد

بقولكم قصتي قصه تفشششششششششششل << مخبي راسه تحت الكيبور ويكتب من الفشيله

المهم <<< معليش بغثكم في هالكلمه بس وش نسوي

المهم في ليلتن ما والثلوج تنهمر بغزاره
والشمس ساطعتون في كبد السماء << تراني مواااصل

يعني لحد يدقق ;)

المهم بعد مانجحت من سنة خامس ابتدااائي بتقدير جيد
قال الوالد ابشر بخليك تسااافر عند عمك اللي بالامارات بمناسبه
نجاحك الباهر

المهم قالي ابحجز لك طيااارة < خويكم في الله يقطعون رقبته
اهون من ان يركب طياره

قلت للوالد مافيه امل اركبها ...

انت ودني وبعدين ارجع << مسوي عمي في الحارة اللي جنبنا

قال الوالد اجل انطق بالبيت ... انا قعدت افكر افكر افكر

وشلون ارووح للامارات ودي اسافر ...

اها لقيتها

قلت ياولد مالك الا.. بعــيـر ابن ســـعود

( النقــل الجماااعي )

واحط رجلي للوالد واعلمه قال خلاص ابشر .
رحنا من اليوم الثاني وحجزنا وركبت النقل واشوف
العالم بدوا ينتظرون فيني

يقولون وين يبي ذا البزر جااي ..
المهم واحد منهم يقول لخويه وانا اسمعه ..شكله ذا يحسبها رحله مدرسيه ..
وانا بالع العافيه ساكت

المهم يعد شوي طلعت جوازي واقلبه واطلع الكرت الاصفر اللي مع الجوااز
عشان يشوفون اني منيب هين راااعي سفرات وانا هذا كبري ;)

المهم مشينا من الرياض العصر وصلنا الامارات هناك الصباااح
قابلني عمي ومعه ولد عمي بعد اسمه فيصل جااي قبلي من السعوديه

ورحنا البيت عندهم المهم بخش لكم في الموقف التفشيله

ذاك اليوم انا ولد عمي اللي جا من السعوديه قاعدين عند ولد
خالي اسمه محمدقال فيصل يعيال انا جوعاان مره نروح المطعم الساعه 3 الفجر
طبعا حنا في بني ياس في ابو ظبي واللي يقهرك انه ماعندهم
مطاعم قريبه او بقالات اقرب مطعم 4 كيلو اقل شيء في بني يااس
المهم قال محمد انا اعرف مطعم يفتح بعد الفجر في شرق 2 والحي هذا بعيد عنا

قلنا خلنا نروح له من الحين عشان يجي الفجريه وحنا عنده
مشينا من البيت وحنا خااايفين انا وفيصل اول مره نطلع الساعه 4 الفجر
محمد ذا يقول عاادي لاتخااافون وش اللي يخوفكم انت وياه ؟؟

..قلنا ماعندكم حرااميه

يخطفون <<شعندهم الزيوون

..
قال لا يخوي ماعندنا لاتخاافون

المهم وصلنا المطعم يوم جينا بندخل المطعم الا

وفيه شباب
عددهم 4 اللي منسدح عالطاوله واللي يدخن واللي لابس نظااره الفجر
اناظر فيفيصل الا وهو ينتفض يقول شف الحراميه عزالله انخطفنا

قال محمد ماعليكم ترا هذولي ..تحريات ( مباااحث ) قلنا هذي اشكال مبااحث انت ووجهك

والله مانخش المطعم الا لما يروحون .. رحنا قعدنا عالرصيف
جنب البيوت وهم يشوفونا اثرهم من جد ( مباحث ) وشكوا فينا يشوفونا
نناظرهم ..شوي

الا وسيارتهم جاي جهتنا بسرعه قالنا محمد لاتتحركون
تراهم مبااحث ... اناظر فيصل الا هو بأخر الشارع منحاااش

وانا احط
رجلي وراه ومحمد لحقنا بس خش بين البيوت وتبدا المطااارده الحين

هم يحسبونا حراميه وحنا نحسبهم حراميه بعد

المهم انا وفيصل صرنا مع بعض

ومحمد لحاله ماندري وينه .. خشينا بزقااق الا وفيه بيت قدامنا مفتووح

قلنا خلنا نخش فيه قبل لاحجرون لنا وحط رجلك للبيت دخلنا الحوش ونسمع
صوت الفرامل عند الباب .. نحسبهم شافونا واثرهم يطردون محمد وحنا
خشينا مع الحوش لين قابلتنا دريشه .. وفيصل يمسك الدريشه بكل قوة ويفتحها

وكان في الغرفه رجال نااايم

وهو يقوم يصااارخ

وحنا نقول تكفى ييخوي حراميه يلحقونا تكفى الحقنا

قسم بالله انا انتناافض قال الرجال خلاص رجع الدريشه وبجيكم الحين

بيني وبينكم والله العظيم لو ماحس فينا الرجال اني بنط في السرير بجنبه بنبطح

من الخووف

المهم نزل الرجال قال وش فيكم .. جبنا له السالفه كلها مع انه
مافهم منا شيءقال فيصل يالله بنخليه يرجعنا للبييت
قلت انا واذا سالونا عن محمد وش نقول << حسبناااه انخطف

محمد المسكين حجروله المباحث بين البيوت ومسكوه ..
وقالوله اركب وعيا يركب

قالو ليش منحاااش طيب ؟؟ قال انا معي عيال عمي من السعوديه .. وحسبوكم حراميه وانحاشوا وانا انحشت بعد

قالو بتركب والا ندق على الشرطه ..قال لا اتصلو على الشرطه دقو على الشرطه

وبعدين قاله واحد اخوياك وينهم قال اخر مره شفتهم خشوا بيت قالو ورنا اياه
وراح معه واحد مشي لين جو عندنا ..وحنا واقفين بالشارع حنا والرجال

قال المباحث وش فيكم انحشتوا علمناه السالفه المهم قاااعدين نترجاه ويالله انه فكنا
وبعدها على طووول للبيت .

وهذي نهايه قصتي ياجمااعه .. مع ديرتن فيها حفظت الوداعه
باربع ميه شطرٍ بسمعٍ وطاااعه << شعنده الفراعنه

وش رايكم في الموقف اللي صار لي ؟؟

وسوري عاالاطاااله .

.